මේ දිනවල පැවැත්වෙන වයස අවුරුදු 19න් පහළ කාන්තා ක්රිකට් ලෝක කුසලාන තරගාවලියේ සුපිරි 6 දෙනාගේ වටයට සුදුසුකම් ලබා ඇති ශ්රී ලංකා කණ්ඩායම එම වටයේ පළමු තරගය ස්කොට්ලන්තයට එරෙහිව ක්රීඩා කිරීමට නියමිතයි.
මෙම තරගය එළඹෙන 26 වැනි දින මැලේසියාවේ ක්වාලාලාම්පූර් හි දී පැවැත්වෙනවා.
A කාණ්ඩයෙන් තරග වදින ශ්රී ලංකා යොවුන් ක්රීඩිකාවන් මූලික වටයේ පැවති තරග 03න් දෙකක් ම ජය ගත්තා.
ඒ මැලේසියාවට සහ කොදෙව්වන්ට එරෙහිව යි.
ඊයේ (23) පැවති අවසන් මූලික තරගයේ දී ශ්රී ලංකා කාන්තා කණ්ඩායම ලකුණු 60කින් ඉන්දියාව හමුවේ පරාජයට පත් වුව ද ප්රසාද ලකුණු සටහනේ දෙවැනි ස්ථානයට පත්වීමත් සමග සුපිරි හයදෙනාගේ වටයට තේරී පත් වුණා.
ශ්රී ලංකා යොවුන් ක්රීඩිකාවන් සුපිරි හයදෙනාගේ වටයේ දෙවැනි තරගයට තරග වදින්නේ ප්රතිවාදී ඔස්ට්රෙලියාව සමගයි.
ඒ ජනවාරි මස 29 වැනි දිනයි.
කණ්ඩායම් 16ක සහභාගිත්වයෙන් පැවැත්වෙන මෙම තරගාවලියේ මූලික වටයේ තරග කාණ්ඩ 4ක් යටතේ පැවැත්වුණා.
සුපිරි 6 වටය කණ්ඩායම් 6 බැගින් කණ්ඩායම් 12ක් කාණ්ඩ 2ක් යටතේ ක්රීඩා කරනවා.
එම සෑම කාණ්ඩයකම ප්රසාද ලකුණු සටහනේ පළමු හා දෙවන ස්ථාන හිමිකරගන්නා කණ්ඩායම්වලට අවසන් පූර්ව වටයට සුදුසුකම් ලබාගැනීමට අවස්ථාව හිමිවනු ඇති.
සුපිරි 6 වටයේ තරග ආරම්භ වන්නේ හෙට (25) දින සිට යි.
