ශ්‍රී ලංකා රේගු අධිකාරිය විසින් කිසිදු පරීක්ෂාවකින් තොරව කන්ටේනර් බහාලුම් 323ක් මුදා හැර ඇති බවට චෝදනා එල්ල වී තිබෙනවා.
සිවිල් සංවිධාන ක්‍රියාකාරිකයෙකු වන සමිත් පතිරණ මහතා චෝදනා කරන්නේ රේගුව තුළට පැමිණි කන්ටේනර් රථ නිෂ්කාශන කටයුතුවල පවතින මන්දගාමීත්වයත් සමග කිසිදු පරීක්ෂාවකින් තොරව මෙලෙස රට තුළට ගෙන ඇති බවයි.
ඒ සම්බන්ධයෙන් වහාම විධිමත් පරීක්ෂණයක් අවශ්‍ය බවත්, අදාළ කන්ටේනර් බහාලුම් තුළ තිබුණේ අවි ආයුධ, මත්ද්‍රව්‍ය හෝ රටට අහිතකර දෑ දැයි මෙතෙක් නොදන්නා බව ද ඔහු වැඩිදුරටත් අවධාරණය කරමින් සඳහන් කළා.
මේ සම්බන්ධයෙන් විධිමත් පරීක්ෂණයක අවශ්‍යතාව පෙන්වාදෙමින් වන ලිපියක් සමිත් පතිරණ මහතා විසින් ඊයේ (23) පස්වරුවේ ශ්‍රී ලංකා රේගු මූලස්ථානයට ලබා දී තිබෙනවා.
මෙලෙස රේගු නිෂ්කාශන ක්‍රියාදාමයෙන් පරිබාහිරව බහාලුම් රට තුළට මුදාහැර එහි අහිතකර දෑ රටට ඇතුල් ව ඇත්නම් ඒවායේ වගකීම භාරගන්නේ කවුරුන් දැයි යන්න ද ඒ මහතා ප්‍රශ්න කර සිටිනවා.
