හිටපු අමාත්‍ය මනූෂ නානායක්කාර අත්අඩංගුවට ගැනීම සාධාරණීකරණය කළ හැකි කරුණු කිසිවක් විමර්ශනවල දී අනාවරණය වී නොමැති බව අපරාධ පරීක්ෂණ දෙපාර්තමේන්තුව කොළඹ මහේස්ත්‍රාත් අධිකරණයට අද (20) දැනුම්දුන්නා.
හිටපු අමාත්‍යවරයා විසින් අපේක්ෂිත ඇප අයදුම්පතක් ඉදිරිපත් කරමින් කොළඹ මහේස්‍රාත් අධිකරණය හමුවේ ගොනු කර තිබූ ඉල්ලීම සලකා බලමින් අපරාධ පරීක්ෂණ දෙපාර්තමේන්තුව අධිකරණය හමුවට කැඳවා තිබූ අතර එහිදී අපරාධ පරීක්ෂණ දෙපාර්තමේන්තුව මේ බව අධිකරණයට දැනුම් දුන් බවයි වාර්තා වන්නේ.
E- 8 වීසා කාණ්ඩය යටතේ දකුණු කෙරියාවේ රැකියා අවස්ථා, ශ්‍රී ලාංකික ශ්‍රමිකයින්ට ලබාදීමේ සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුව හමුවේ හෙට (21) දිනයේ දී ප්‍රකාශයක් ලබාදීමට සූදානම් බව ද හිටපු අමාත්‍යවරයා වෙනුවෙන් පෙනී සිටි ජනාධිපති නීතීඥ සාලිය පීරිස් අධිකරණය හමුවේ දැනුම් දුන්නා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
