ගල්කිස්ස, සිරිපාල මාවත ප්‍රදේශයේ අද (19) සිදුකළ වෙඩි තැබීමෙන් තුවාල ලබා කළුබෝවිල රෝහලට ඇතුළත් කළ පුද්ගලයා ජීවිතක්ෂයට පත්ව තිබෙනවා.
මෙලෙස ජීවිතක්ෂයට පත්ව ඇත්තේ සවිඳු තරිඳු නැමැති වයස අවුරුදු 24ක බඩෝවිට ප්‍රදේශයේ පදිංචි පුද්ගලයෙක්.
පාතාල කල්ලි සාමාජිකයින් දෙදෙනෙක් අතර පවතින ආරවුලක් මත මෙම වෙඩි තැබීම සිදුකර ඇති බවයි අනාවරණය වී ඇත්තේ.
යතුරුපැදියකින් පැමිණි දෙදෙනෙක් මෙම වෙඩි තැබීම සිදුකර පළාගොස් තිබෙනවා.
කෙසේ වෙතත් වෙඩි තැබීමට පැමිණි වෙඩික්කරු වෙඩි තැබීමටයොදාගත් මිලි මීටර් 09 වර්ගයේ ගිනි අවිය ද සමඟ අද (19) දහවල් දෙහිවල, කවුඩාන ප්‍රදේශයේ දී පොලිසිය විසින් අත්අඩංගුවට ගෙන තිබෙනවා.
අත්අඩංගුවට ගැනුණු සැකකරු වයස අවුරුදු 47ක අයෙක් බවයි පොලිසිය සඳහන් කළේ.
මෙම සැකකරු මීට පෙරද මනුෂ ඝාතනයකට සැකකරු වී සිටින තැනැත්තෙක් බවයි වාර්තා වන්නේ.
