බලන්ගොඩ – රජවක ප්රදේශයේ ඇති විහාරස්ථානයක ධර්ම ශාලාවේ ධර්මාසනය මත මියගොස් සිටි පුද්ගල මළසිරුරක් හමු වී තිබෙනවා.
අද (23) අලුයම මෙම මළසිරුර හමු වූ බවයි බලංගොඩ පොලිසිය පැවසුවේ.
මෙලෙස මියගොස් ඇත්තේ බලංගොඩ – විකිලිය ප්රදේශයේ පදිංචි ව සිටි තබ්බිරාජා කදිරවෙල් නමැති 67 හැවිරිදි අයෙක්.
විහාරස්ථානයේ වැඩවසන සාමණේර හිමිනමක විසින් මෙම සිරුර දැක එම විහාරස්ථානයේ නායක හිමියන් වෙත දැනුම්දී තිබෙනවා.
ඉන් අනතුරුවයි නායක හිමියන් විසින් බලංගොඩ පොලිස් ස්ථානය දැනුම්වත් කරනු ලැබුවේ.
මෙම පුද්ගලයා නිතරම විහාරස්ථානයට යන එන පුද්ගලයෙකු බවට තොරතුරු අනාවරණය වී තිබෙනවා.
මරණයට හේතුව මෙතෙක් තහවුරු වී නැහැ.
මරණකරුගේ මුඛයෙන් රුධිරය වහනය වී ඇති අයුරු නිරීක්ෂණය වී තිබෙනවා.
මළසිරුර පශ්චාත් මරණ පරීක්ෂණය සඳහා බලංගොඩ මූලික රෝහල වෙත ගෙන තිබෙනවා.
සිද්ධිය සම්බන්ධයෙන් වැඩිදුර විමර්ශන ක්රියාත්මකයි.
