වීසා බලපත්‍ර නොමැතිව නුවරඑළිය ප්‍රදේශයේ මුස්ලිම් දේවස්ථානයක රැදී සිටි ඉන්දුනීසියානු ජාතිකයන් 08 දෙනෙක් ඊයේ (02) අත්අඩංගුවට ගෙන තිබෙනවා.
නුවරඑළිය පොලිසියට ලැබුණු තොරතුරක් මත අදාළ දේවස්ථානය වෙත ගොස් සිදුකළ සෝදිසි කිරීමක දී මෙම පිරිස අත්අඩංගුවට ගෙන ඇති බවයි වාර්තා වුණේ.
අත්අඩංගුවට ගැනුණු ඉන්දුනිසියානු ජාතිකයන් 08 දෙනා මීට මාස දෙකකට පමණ පෙර දිවයිනට පැමිණ ඇති බවයි අනාවරණය වී ඇත්තේ.
සැකකරුවන් අත්අඩංගුවට ගන්නා අවස්ථාවේ දී ඔවුන් සන්තකයේ ගුවන් ගමන් බලපත්‍රය හෝ වීසා බලපත්‍ර තිබී නොමැති අතර, ඔවුන් පවසා ඇත්තේ වීසා අලුත් කිරීම සඳහා වූ ලියකියවිලි මෙරට ඉන්දුනිසියානු තනාපති කාර්යාලය වෙත භාර දී ඇති බවයි.
මෙම සැකකරුවන් සමඟ තවත් 191 දෙනෙකු මෙරට පැමිණ ඔවුන් දිවයිනේ විවිධ ප්‍රදේශවල සංචාරය සදහා යොමු වී ඇති බවට ද ආවරණය වී තිබෙනවා.
අත්අඩංගුවට ගත් සැකකරුවන් සම්බන්ධයෙන් මෙටර ඉන්දුනිසියානු තනාපති කාර්යාලයේ නිලධාරින් දැනුවත් කර ඇති අතර, ඔවුන්ව අද (03) දිනයේ නුවරඑළිය මහෙස්ත්‍රාත් අධිකරණය වෙත ඉදිරිපත් කිරීමට නියමිතයි.
