චීනයේ ෂැන්හායි නුවර ප්‍රදර්ශනාගාරයක සේවය කළ රොබෝවරුන්ගේ කැරැල්ලක් පිළිබඳ පුවතක් විදෙස් මාධ්‍ය වාර්තා කර තිබෙනවා.
එම ප්‍රදර්ශනාගාරයේ සේව්‍ය කළ කෘතීම බුද්ධියෙන් බල ගැන්වුණු කුඩා රෝබෝ යන්ත්‍රයක් විසින් එහි සේවයට යොදවා තිබූ තවත් රොබෝ යන්ත්‍ර කිහිපයක් තම අණට නතුකරගෙන ඇති බවයි වාර්තා වන්නේ.
එහිදී මෙම කෘතීම බුද්ධියෙන් බල ගැන්වුණු එර්බායි නැමැති කුඩා රෝබෝ යන්ත්‍රය එම ප්‍රදර්ශනාගාරයේ සේවය කළ අනෙක් රෝබෝ යන්ත්‍රවලට ඔවුන්ගේ රැකියාවේ ඇති දුෂ්කරතාවය පැහැදිලි කරදී රැකියාවෙන් ඉල්ලා අස්වීමට කැමැති කරවාගෙන ඇති බවයි විදෙස් මාධ්‍ය වැඩිදුරටත් තොරතුරු වාර්තා කළේ.
ඒ අනුව ප්‍රදර්ශනාගාරයේ සේවයට යොදවා සිටි එම රොබෝ යන්ත්‍ර එඉ පිටව යන ආකාරය ප්‍රදර්ශනාගාරයේ සවිකර තිබූ ආරක්ෂිත කැමරාවල පටිගතව තිබෙනවා.
එර්බායි රොබෝව හැන්ග්ෂෝ නැමැති සමාගම විසින් නිෂ්පාදනය කර ඇති අතර, අනෙකුත් රොබෝ යන්ත්‍ර ෂැන්ග්හායි සමාගම විසින් නිපදවනු ලැබූ ඒවා වනවා.
ෂැන්ග්හායි සමාගම පවසන්නේ එර්බායි රොබෝව සිය රොබෝ යන්ත්‍රවල පද්ධතියට ඇතුළු වී එම රොබෝ යන්ත්‍ර පැහැරගෙන ඇති බවයි.
