ඉන්දීය ක්‍රිකට් කණ්ඩායමේ මුල් පෙළ පිතිකරුවෙකු වන ශුබ්මන් ගිල් ආබාධයකට ලක් ව තිබෙනවා.
විදෙස් ක්‍රීඩා මාධ්‍ය වාර්තා කළේ; එළඹෙන 22 වැනිදා ඔස්ට්‍රෙලියානු සත්කාරකත්වයෙන් පැවැත්වෙන ටෙස්ට් තරගාවලිය සඳහා ගිල් ආබාධයකට ලක් වීම දැඩි අර්බුදකාරී තත්ත්වයකට ලක් ව ඇති බවයි.
මෙම තරගාවලිය අතිශයින් ම දෙපිළට ම තීරණාත්මක වන්නේ 2025 වසරේ ජුනි අග භාගය වන විට ලෝක ටෙස්ට් ශූරතා තරගාවලියේ අවසන් මහා තරගයට එක්වන කණ්ඩායම් ද්විත්වය සඳහා එක් වීම හේතුවෙන්.
ගිල් මෙලෙස ආබාධයකට ලක් වූයේ එම ටෙස්ට් තරගාවලිය සඳහා සිදු කරමින් සිටි පුහුණු තරගයක් අතරතුර ස්ලිප් ක්‍රීඩකයෙකු ලෙස පන්දු රැකීමේ යෙදී සිටියදී අත තුවාල වීම නිසා බවයි වාර්තා වන්නේ.
නොවැම්බර් 22 වැනිදා පර්ත්හි ඔප්ටස් ක්‍රීඩාංගණයේ දී ආරම්භ වන පළමු ටෙස්ට් තරගය සඳහා ගිල්ගේ පැමිණීම තවමත් අවිනිශ්චිත බවත් වාර්තා වනවා.
නායක ශර්මා ද සිය දෙවැනි දරුවාගේ උපත හේතුවෙන් පළමු ටෙස්ට් තරගයෙන් ඉවත් ව සිටින බැවින් ඉන්දීය තේරීම් කමිටුවේ අදහස වූයේ ජයිස්වාල් සමගින් ගිල්ව ආරම්භක පිතිකරුවන් ලෙසට එවීමටයි.
නමුත් ගිල් ද මෙලෙස ආබාධයකට ලක්වීම මේ වනවිට ඉන්දීය ක්‍රිකට් තේරීම් කමිටුවට දැඩි අභියෝගයක් එල්ල වී තිබෙනවා.
