මහ මැතිවරණයේ මාධ්‍ය ආවරණ කටයුත්තකට ගිය ප්‍රාදේශීය මාධ්‍යවේදියෙකුට තියුණු ආයුධයකින් පහර දී තිබෙනවා.
දසත ප්‍රාදේශීය වාර්තාකරු පැවසුවේ පහරකෑමෙන් තුවාල ලැබූ ප්‍රාදේශීය මාධ්‍යවේ දී එස්. සතිස් මහතා මේ වනවිට (14) බගවන්තලාව රෝහලට ඇතුළත් කර ඇති බවයි.
බගවන්තලාව කර්කස්වොල් වතු යායේදියි බීමත් ව සිටි පුද්ගලයෙකු මාධ්‍යවේදියාගේ පසුපසින් පැමිණ වෙළෙඳසැලකින් පිහියක් ද රැගෙන විත් තමාගේ හිසට පහර දුන් බවට ප්‍රාදේශීය මාධ්‍යවේදී සතිස් මහතා පවසන්නේ.
පහරකෑමෙන් ප්‍රාදේශීය මාධ්‍යවේදියාගෙ හිසට තුවාල සිදුව තිබෙනවා.
නුවරඑළිය දිස්ත්‍රික්කයෙන් මෙවර මහ මැතිවරණයට ප්‍රධාන පක්ෂයකින් තරග වැදුණු අපේක්ෂිකාවකගේ ආධාරකරුවෙකු විසින් මෙම පහරදීම සිදු කර ඇති බවත්, මේ සම්බන්ධයෙන් තමන් බගවන්තලාව පොලිසියට පැමිණිල්ලක් කළ බව ද තුවාලකරු සඳහන් කර ඇති බවයි වාර්තා වන්නේ.
