ඉන්දියාවේ අන්ද්‍රා ප්‍රාන්තයේ ගුන්තූර් දිස්ත්‍රික්කයේ සිදු වූ පහරදීමකින් පුද්ගලයෙකු ව සමූහයක් එක්ව ඝාතනය කර තිබෙනවා.
එරට මාධ්‍ය වාර්තා කළේ; මෙම පුද්ගලයා එම ප්‍රදේශයේ ම කාන්තාවක් සමග අනියම් සබඳතාවක් පවත්වා ඇති බවයි.
ඝාතනයට ලක් වූ පුද්ගලයා විදුලිබල දෙපාර්තමේන්තුවේ බාහිර සේවා අංශයේ සේවකයෙකු වන එන්.දේවරාජ් නමැති 34 හැවිරිදි අයෙක්.
එම පුද්ගලයා ගුන්තූර් දිස්ත්‍රික්කයේ පදිංචි කාන්තාවක් සමග අනියම් සබඳතාවක් පවත්වා ඇති බවත් එම කාන්තාව සමග තවත් අනියම් සබඳතාවක් පැවැත්වූ තරුණයෙකු විසින් මරණයට පත් වූ තරුණයාට සිය මිතුරන් පිරිසක් එක් ව පොලු මුගුරුවලින් පහර දී ඝාතනය කර ඇති බවත් හෙළි ව තිබෙනවා.
මියගිය තරුණයා විවාහකයෙකු වන බවත් හෙළි ව ඇති බවයි වාර්තා වන්නේ.
මියගිය දේවරාජ් සහ මෙම කාන්තාවගේ දෙවැනි පෙම්වතා වන මාධව් අතර අවස්ථා කිහිපයක දී ද ඇයගේ ආදරය බෙදා ගැනීම සම්බන්ධයෙන් දැඩි ආරවුල් හටගෙන ඇති බව ද පැවසෙනවා.
මියගිය තරුණයාගේ සිරුර ඝාතකයින් විසින් එම ප්‍රදේශයේ මත්පැන් අලෙවි සැලක් අසල දමා ගොස් තිබෙනවා.
