අද (10) දහවල් අම්බලන්ගොඩ, ඌරවත්ත ප්‍රදේශයේ සිදුකළ වෙඩි තැබීමකින් අඹුසැමි යුවළක් ජීවිතක්ෂයට පත් වුණා.
වෙඩි ප්‍රහාරයට ලක්ව මෙලෙස ජීවිතක්ෂයට පත් වූ යුවළ අම්බලන්ගොඩ ගලගොඩ, කුලීගොඩ ප්‍රදේශයේ පදිංචි 47 සහ 50 හැවිරිදි හැවිරිදි වියේ පසුවූවන් බවයි වුණේ.
මොවුන් දෙදෙනා මත්ද්‍රව්‍ය ජාවාරමට සම්බන්ධ අය බවයි පොලිසිය සඳහන් කළේ.
වෙඩි ප්‍රහාරයට ලක්ව ජීවිතක්ෂයට වූ මෙම යුවළට එරෙහිව මහාධිකරණයේ නඩු කිහිපයක් ද විභාග වන බව පොලිසිය වැඩිදුරටත් සඳහන් කළා.
බලපිටිය වැඩ බලන මහේස්ත්‍රාත්වරයා පැමිණ වෙඩි තැබීම සිදු වූ ස්ථානයේ ස්ථානීය පරීක්ෂාව සිදුකර තිබෙනවා.
Update – 2024-11-10 01.49PM
අම්බලන්ගොඩ, ඌරවත්ත ප්‍රදේශයේ දී අද (10) දහවල් සිදුකළ වෙඩිතැබීමකින් කාන්තාවක් ඇතුළු දෙදෙනෙකු ජීවිතක්ෂයට පත්ව තිබෙනවා.
යතුරුපැදියකින් ගමන් කරමින් සිටිය දී ඔවුන් දෙදෙනාට වෙඩි ප්‍රහාරය එල්ල කර ඇති බවයි වාර්තා වුණේ.
මෙලෙස ජීවිතක්ෂයට පත්ව ඇත්තේ අඹුසැමි යුවළක් බවයි අම්බලන්ගොඩ පොලිසිය සඳහන් කළේ.
යතුරුපදියකින් පැමිණි දෙදෙනෙක් විසින් මෙම වෙඩි තැබීම සිදුකර පළාගොස් ඇති බවයි මේ වනවිට තොරතුරු වාර්තා වන්නේ.
