නව තානාපතිවරු දෙදෙනෙක් ජනාධිපති අනුර කුමාර දිසානායක මහතා වෙත සිය අක්තපත්‍ර භාර දී තිබෙනවා.
ජනාධිපති මාධ්‍ය අංශය නිවේදනය කළේ; ශ්‍රී ලංකාවට අලුතින් පත්ව පැමිණි තානාපතිවරු දෙදෙනෙකු අද (07) පෙරවරුවේ ජනාධිපති කාර්යාලයේ දී නිල වශයෙන් සිය අක්ත පත්‍ර භාර දුන් බවයි.
ඊජිප්තු අරාබි ජනරජයේ නව තානාපතිවරයා ලෙස ඇඩෙල් ඊබ්‍රාහිම් (Adel Ibrahim) මහතා ද, ජපානයේ නව තානාපතිවරයා ලෙස ඉසොමතා අකියෝ (ISOMATA Akio) මහතා ද මෙලෙස පත්ව සිටිනවා.
ඔවුහු සිය අක්තපත්‍ර භාරදීමෙන් අනතුරුව ජනාධිපතිවරයා සමඟ සුහද කතාබහකට ද එක් වුණා.
