ඉන්දීය ගුවන් හමුදාවට අයත් MiG-29 ප්රහාරක ජෙට් යානාවක් කඩා වැටී තිබෙනවා.
අද (04) මෙම ගුවන් යානාව කඩා වැටී ඇත්තේ උත්තර් ප්රදේශ් හි අග්රා අසල දීයි.
ඉන්දීය මාධ්ය වාර්තා කරන පරිදි යානාවේ ඇති වූ කාර්මික දෝෂයක් හේතුවෙන් මෙලෙස කඩා වැටී තිබෙනවා.
මෙම ගුවන් යානාව අග්රාහි සොංගා ගම්මානයේ එළිමහන් තණබිමකට කඩා වැටී ඇති අතර එය ගිනිගෙන පුපුරා ගොස් ඇති බවත් පැවසෙනවා.
නමුත් එය කඩා වැටෙන අවස්ථාවේදී ම යානාවෙන් ගුවන් නියමුවා පිටතට විසිවී ඇති බවයි පැවසෙන්නේ.
එහෙයින් ඔහු දිවි ගලවා ගැනීමට සමත් ව තිබෙනවා.
ඉන්දීය ගුවන් හමුදාව නිවේදනයක් නිකුත් කරමින් කියා සිටියේ, ගුවන් පරීක්ෂණයක් සඳහා මෙම යානාව පියාසර කරමින් තිබූ බවත්, නියමුවා විසින් යානාව කඩා වැටෙනා බව දැනගත් වහාම ක්රියාත්මක වී එය මිනිසුන් සහ දේපොළවලට හානි ගෙන නොදෙන බිමක් කරා මහත් පරිශ්රමයක් දරා පියාසර කරවා ඇති බවයි.
එමෙන්ම අදාළ සිදුවීම සම්බන්ධයෙන් විශේෂ පරීක්ෂණයක් ද ඉන්දීය ගුවන් හමුදාව සිදු කරන බවත් වාර්තා වනවා.
