පුද්ගලයෙකු අබිරහස් ලෙස ගසක අත්තක එල්ලී සියදිවි හානිකර ගැනීමේ පුවතක් වාර්තා වනවා.
මෙම ඛේදවාචකය වාර්තා වන්නේ කැකිරාව – මුඩුපෙරුමාගම වැව් බැම්ම අසල ඇති කැලෑ බද කොටසින් බවයි දසත ප්‍රාදේශීය වාර්තාකරු පැවසුවේ.
මෙම මළසිරුර ප්‍රදේශවාසීන්ගෙන් ලද තොරතුරකට අනුව කැකිරාව පොලිසිය විසින්
අද (30) සොයාගනු ලැබුවා.
සිරුර ඇති ස්ථානයේ තිබී ඇඳුම් කිහිපයක් අඩංගු පාර්සලයක් හා පාවහන් යුගලක් ද සොයා ගැනුණා.
මෙලෙස මියගොස් ඇත්තේ කෑගල්ල – තුංතොට, අලවල පදිංචිව සිට ඇති ගමරාළලාගේ මධුසංක අමරසිංහ නමැති අවුරුදු 25ක විවාහකයකු බවටයි හෙළිව ඇත්තේ.
එම සැක කටයුතු මරණය සම්බන්ධයෙන් වූ ස්ථානීය මහේස්ත්‍රාත් පරීක්ෂණයක් පැවැත්වීමට පොලිසිය කටයුතු කරමින් සිටින අතර එය මිනී මැරුමක් ද නැතහොත් සියදිවි නසා ගැනීමක් ද යන්න නිශ්චිතව අනාවරණය කර ගැනීම සඳහා වැඩිදුර පොලිස් විමර්ශන ආරම්භ කර තිබෙනවා.
ඔබේ ප්‍රතිචාරය කුමක්ද ?
+1
+1
1
+1
+1
+1
2
+1
+1
