2024 ජනාධිපතිවරණ ඡන්ද විමසීමේ දහවල් 12.00 වන විට මැතිවරණ දිස්ත්‍රික්ක කිහිපයක ඡන්ද ප්‍රකාශ කිරීමේ ප්‍රතිශතයන් නිකුත් වී තිබෙනවා.
ඒ, අනුව කුරුණෑගල සහ අනුරාධපුර දිස්ත්‍රික්කවල 50%ක් ඡන්දය ප්‍රකාශ කර ඇති බවයි වාර්තා වුණේ.
දහවල් 12.00 වන විට පුත්තලම දිස්ත්‍රික්කයේ 42% ක් ඡන්දය භාවිත කර ඇති බව පුත්තලම දිස්ත්‍රික් තේරම්භාර නිලධාරීවරයා පැවසුවා.
ඊට අමතරව ගාල්ල දිස්ත්‍රික්කයේ ද ඡන්දය ප්‍රකාශ කිරීම 42%ක අගයක් ගෙන තිබුණා.
නුවරඑළිය දිස්ත්‍රික්කයේ 45%ක්, පොළොන්නරුව දිස්ත්‍රික්කයේ 43%ක් සහ මාතර දිස්ත්‍රික්කයේ ඡන්දය ප්‍රකාශ කිරීම අද දහවල් 12 වන විට පැවතියේ 35%ක් ලෙසයි.
ඊට අමතරව මොණරාගල දිස්ත්‍රික්කය තුළ ඡන්දය ප්‍රකාශ කිරීම 32%ක් ලෙසයි වාර්තා වුණේ.
ඊට අමතරව කොළඹ 50%, ත්‍රිකුණාමලය 51%, ගම්පහ 52%, යාපනය 35%, මඩකලපුව 23% වවුනියාව 51%, මන්නාරම 40%, බදුල්ල 40%, රත්නපුර 58%, කෑගල්ල 49% ලෙස ඡන්දය ප්‍රකාශ කිරීමේ ප්‍රතිශතයන් දැක්වෙනවා.
