ගෙවුණු දිනය වන විට (16) ඊශ්‍රායලය එල්ල කළ මරාගෙන මැරෙන බෝම්බ ප්‍රහාරයෙන් මියගිය 35 දෙනා හැරුණුකොට අද (17) දිනයේ දී ද තවත් පලස්තීන ජාතිකයින් තිදෙනකු ජීවිතක්ෂයට පත් ව තිබෙනවා.
ඒ අනුව යුද විශ්ලේෂකයින් පවසන්නේ මේ වනවිට 38 දෙනෙකු ඊශ්‍රායල ප්‍රහාරවලින් මරුමුවට පත් ව ඇති බවයි.
ඊශ්‍රායලය විසින් නොනවත්වා ම ගාසා තීරයට ප්‍රහාර එල්ල කරමින් සිටින බවයි අල් – ජසීරා පුවත් සේවය පැවසුවේ.
දෙපාර්ශ්වය අතර ඇතිවන බෝම්බ ප්‍රහාර සහ යුද ගැටුම් සම්බන්ධයෙන් ජිනීවා නුවර එක්සත් ජාතීන්ගේ අයිතිවාසිකම් පිළිබඳ ව විශේෂඥයින්ගේ ද අවධානය යොමු ව තිබෙනවා.
ඔවුන් ඊශ්‍රායල – පලස්තීන අර්බුදය සම්බන්ධයෙන් සහ ඊයේ ඊශ්‍රායලය විසින් එල්ල කරන ලද බෝම්බ ප්‍රහාරයෙන් පසුව පැවති ඒකාබද්ධ ප්‍රවෘත්ති සාකච්ඡාවක දී පවසා ඇත්තේ ඊශ්‍රායලය සිදු කරන ක්‍රියාවලිය ‘ ජන සංහාරය’ ඉදිරියේ දී ‘පරියා’ (pariah) බවට පත් වනු ඇති බවයි.
එය සමස්ත සමාජ පරිහානියක් ලෙසට ද ඔවුන් සඳහන් කර තිබෙනවා.
මේ අතර එක්සත් ජනපද රාජ්‍ය ලේකම් ඇන්තනි බ්ලින්කන් ඊජිප්තු – ගාසා දේශ සීමාවේ ෆිලඩෙල්පි කොරිඩෝවේ ඊශ්‍රායලය සමග සිදු කෙරෙන සාකච්ඡාවල ප්‍රගතියක් ඇති වීමට ඉඩ ඇති බවට සඳහන් කර ඇති අතර ඊජිප්තුව සමග තෙදින නිල සංචාරයේ දී ගාසාවේ සටන් විරාමයක් ඇති කරගැනීම පිළිබඳ ව ප්‍රයත්නයන් සම්බන්ධයෙන් සාකච්ඡා කෙරෙනු ඇති.
ගාසා තීරයට එරෙහිව ඊශ්‍රායලයේ යුද්ධයෙන් අවම වශයෙන් පුද්ගලයන් 41,226 ක් මියගොස් 95,413 ක් තුවාල ලබා තිබෙනවා.
