ඊයේ (07) දින අමෙරිකා එක්සත් ජනපදයේ, කෙන්ටකී ප්රාන්තයේ, ලන්ඩන් නගරයේ අධිවේගී මාර්ගයක දී පුද්ගලයින් කිහිපදෙනෙකුට වෙඩි තැබීමක් සිදුකර තිබෙනවා.
අධිවේගී මාර්ගයේ ගමන් ගත් මෝටර් රථ ඉලක්ක කර ගනිමින් තුවක්කුකරුවෙකු විසින් මෙම වෙඩි තැබීම සිදුකර තිබුණා.
විදෙස් මාධ්ය වාර්තා කරන්නේ, පුද්ගලයින් හත් දෙනෙකු තුවාල ලබා ඇති අතර ඉන් පස්දෙනෙකුට බරපතල බවයි.
ලන්ඩනයේ නගරාධිපති රැන්ඩල් වෙඩ්ල් පවසන්නේ, එම වෙඩි තැබීමෙන් කිසිවෙකුත් මියගොස් නොමැති බවයි.
වෙඩි තැබූ පුද්ගලයා ලන්ඩන් පොලීසිය විසින් සොයාගෙන ඇති අතර ඔහු 32 හැවිරිදි ජෝසෆ් ඒ කවුච් නැමැත්තෙක්.
එරට මාධ්ය වාර්තා කරන්නේ, අධිවේගී මාර්ගයට ආසන්නයේ පවතින වනාන්තර ප්රදේශයක සිට මෙම වෙඩි තැබීම සිදුකර ඇති බවයි
