රුපියල් ලක්ෂ තිහක් පමණ වටිනා විදේශීය නිෂ්පාදිත දුම්වැටි තොගයක් නීතිවිරෝධී ලෙස රැගෙන විත් කටුනායක ගුවන් තොටුපොළෙන් පිටතට ගෙනයමින් සිටි පුද්ගලයෙක් අද (01) අලුයම පොලිස් මත්ද්රව්ය නාශක අංශයේ නිලධාරීන් පිරිසක් විසින් අත්අඩංගුවට ගෙන තිබෙනවා.
වයස අවුරුදු 30 ක් වන මොහු රූපලාවන්ය උපකරණ සහ ආලේපන විදේශ රටවල සිට මෙරටට ගෙනැවිත් අලෙවි කිරීම් සිදුකරන පානදුර ප්රදේශයේ පදිංචි ව්යාපාරිකයෙක්.
ඔහු විසින් රැගෙන ආ රූපලාවන්ය උපකරණ සහ ආලේපන අඩංගු ගමන් මලු තුළ මෙම දුම්වැටි තොගය සඟවා තිබුණා.
දුම්වැටි 20,000 ක් අඩංගු පෙට්ටි 100 ක් මත්ද්රව්ය නාශක අංශයේ නිලධාරීන් විසින් මෙලෙස අත්අඩංගුවට ගෙන ඇති බවයි වාර්තා වුණේ.
අත්අඩංගුවට ගැණුනු සැකකරු පොලිස් ඇප මත මුදාහැරීමට පියවර ගෙන තිබූ අතර, එළඹෙන 03 වනදා දින මොහු මීගමුව මහේස්ත්රාත් අධිකරණය වෙත ඉදිරිපත් කිරීමට නියමිතයි.
ඔබේ ප්රතිචාරය කුමක්ද ?
+1
+1
+1
+1
+1
+1
+1
