ශ්රී ලංකාව සමඟ ලෝඩ්ස් හිදී පැවැත්වෙන දෙවන ටෙස්ට් ක්රිකට් තරගයේ දෙවන දිනය අවසන්වන විට වැඩි ගෞරව අත්කර ගැනීමට එංගලන්ත කණ්ඩායම සමත්ව සිටියා.
තරගය දෙවන දිනට අවසන්වන විට සිය දෙවන ඉනිම ක්රීඩා කරන එංගලන්තය එක් කඩුල්ලක් දැවී ලකුණු 25ක් රැස්කරගෙන සිටියේ ශ්රී ලංකා පළමු ඉනිමට වඩා ලකුණු 256ක් ඉදිරියෙන් පසුවෙමින්.
එංගලන්ත දෙවන ඉනිම වෙනුවෙන් බෙන් ඩකට් නොදැවී ලකුණු 15ක් සහ නායක ඔලී පොප් ලකුණු 02ක් රැස්කරගෙන කඩුල්ලේ රැඳී සිටියා.
තරගයේ පළමු ඉනිමට ශ්රී ලංකා කණ්ඩායම සියල්ලන් දැවී ලකුණු 196ක් රැස්කළේ එංගලන්තය පළමු ඉනිමට රැස්කළ ලකුණු 427ට පිළිතුරු වශයෙන්.
එහිදී ශ්රී ලංකා ඉනිම ගොඩගැනීමට හුදෙකලා සටනක නිරත වූ කමිඳු මෙන්ඩිස් ලකුණු 74ක් රැස්කළ අතර, අනෙක් කිසිඳු ශ්රී ලංකා පිතිකරුවෙකුට ලකුණු 25 සීමාවට ළඟා වීමට අවස්ථාව හිමිවුයේ නැහැ.
ඒ, අනුව එංගලන්තය සිය දෙවන ඉනිම ශ්රී ලංකා පළමු ඉනිමට වඩා ලකුණු 231ක් ඉදිරියෙන් සිටිමින් ආරම්භ කළා.
තරගයේ තුන්වන දිනය අදයි.
