වයස අවුරුදු 03ක සිය දියණිය ඝාතනය කර ගමන් මල්ලක් තුළ දමා සැඟවූ කාන්තාවක් පිළිබඳ පුවතක් ඉන්දීය මාධ්ය වාර්තා කරනවා.
බිහාර් ප්රාන්තයේ මුසාෆර්පූර් ප්රදේශයේ ගමන් මල්ලක තිබී පසුගිය සෙනසුරාදා දැරියකගේ මළ සිරුරක් සොයාගැනීම සම්බන්ධයෙන් සිදුකළ විමර්ශනයක දී මෙම අපරාධයේ සුලමුල අනාවරණය කර ගැනීමට හැකිව තිබෙනවා.
විමර්ශනය කරන නිලධාරීන් විසින් මියගිය දැරියගේ මව සොයාගැනීමෙන් අනතුරු ඇයගෙන් සිදුකළ ප්රශ්න කිරීම්වල දී මෙම අපරාධය සම්බන්ධයෙන් හෙළිකර ඇති බවයි වාර්තා වන්නේ.
මෙම කාන්තාව තම සැමියා සිටියදීම වෙනත් පුද්ගලයෙකු සමඟ අනියම් සබන්ධතාවක් පවත්වා ඇති අතර, සැමියා අතහැර ඔහු සමඟ යෑමට ඇයට අවශ්ය වී තිබෙනවා.
තම අවශ්යතාවය පෙම්වතාට පැවසීමත් සමඟ, තමන් දියණිය ද සමඟ පැමිණීම ගැන පෙම්වතා අකමැත්ත පළකර ඇති බවයි සැකකාර කාන්තාව පොලිසියට පවසා ඇත්තේ.
ඒ, හේතුවෙන් තමන් දැරියගේ ගෙළ කපා සිරුර ගමන් මල්ලක දමා පඳුරක සැඟවීමට කටයුතු කළ බව අදාළ කතාව පොලිස් ප්රශ්න කිරීම් හමුවේ පවසා තිබෙනවා.
මේ අතර ජනප්රිය රූපවාහිනී වැඩසටහනක් වන ‘Crime Patrol’ නරඹා තම දියණියගේ ඝාතනය සැලසුම් කළ බවයි එම කාන්තාව පොලිසියට ප්රකාශ කර ඇත්තේ.
ප්රශ්න කිරීම්වල දී කාජල් නැමැති සැකකාර කාන්තාව පොලිසියට පවසා ඇත්තේ තමන් පසුගිය වසර දෙකක පමණ කාලයක සිට මෙම අනියම් සබඳතාව පැවැත් වූ බවයි.
මේ අතර අධිකරණ වෛද්ය කණ්ඩායම කැඳවා නිවස පරීක්ෂා කිරීමේ දී නිවසේ බිම තිබූ ලේ සලකුණු සොයාගෙන තිබෙනවා.
