ඊයේ ආරම්භ වූ 2024 පැරිස් ඔලිම්පික් උළෙලේ පළමු දිනය නිමාවන විට පදක්කම් සටහනේ පෙරමුණ ගැනීමට ඕස්ට්‍රේලියාව සමත්ව සිටිනවා.
තරගාවලියේ පළමු දිනය වූ ඊයේ (27) දිනයේ දී ඕස්ට්‍රේලියා රන් පදක්කම් 03ක් සහ රිදී පදක්කම් 02ක් සමඟ සමස්ත පදක්කම් 05ක් දිනාගත්තා.
ඊයේ දිනයේ දී රන් පදක්කම් 02ක් සහ එක් ලෝකඩ පදක්කමක් දිනාගෙන චීනය දෙවන ස්ථානයේ රැඳී සිටියා.
පැරිස් ඔලිම්පික් උළෙලේ දෙවන දිනය වන අද (28) දිනයේ දී රන් පදක්කම් කට්ටල 13ක් (රන්,රිදී,ලෝකඩ) පිරිනැමීමට නියමිතයි.
මේ අතර ඊයේ දිනයේ දී ප්‍රංශයේ අගනුවර වන පැරිස් නුවරටවර්ෂාපතනයක් ඇද හැලුණු අතර, අද දිනයේ දී අගනුවරට හොඳ හිරු එළියක් පතිතවනු ඇති බවයි පුරෝකථනය කර ඇත්තේ.
මේ අතර මෙවර ඔලිම්පික් උළෙලේ පළමු ශ්‍රී ලංකා නියෝජනය අද දිනයේ තරග බිමට පිවිසීමට නියමිතයි.
ඒ, අනුව බැඩ්මින්ටන් ක්‍රීඩක විරේන් නෙත්තසිංහ මෙරට වේලාවෙන් අද (28) පස්වරු 1.40ට ඔලිම්පික් බැඩ්මින්ටන් පිටියට පිවිසීමට සූදානමින් සිටිනවා.
