හිටපු ජනාධිපති ගෝඨාභය රාජපක්ෂ මහතාගේ පුද්ගලික නිවස අසල උද්ඝෝෂණය කළ බවට චෝදනා කරමින් තමන්ව අත්අඩංගුවට ගැනීමට කටයුතු කිරීමෙන් සිය මූලික අයිතිවාසිකම් කඩ වූ බව පවසමින් පාර්ශ්ව 8ක් විසින් ගොනු කර තිබූ පෙත්සම්හි වැඩිදුර විභාගය නොවැම්බර් 11 සිදු කිරීමට ශ්‍රේෂ්ඨාධිකරණය ඊයේ (24) දින නියම කළා.
මෙම පෙත්සමේ වගඋත්තරකරුවන් වශයෙන් පොලිස්පතිවරයා, නීතිපතිවරයා ඇතුළු පිරිසක් නම් කර තිබෙනවා.
පෙත්සම් මගින් 2022 මාර්තු 30 උද්ඝෝෂණ සිද්ධිය සම්බන්ධයෙන් තමන්ව අත්අඩංගුවට ගැනීමෙන් සිය මුලික අයිතිවාසිකම් කඩ වී ඇතැයි පවසන පෙත්සම්කරුවෝ ඊට වන්දි ලබාදෙන ලෙස ඉල්ලා සිටියා.
පෙත්සම්කරුවන් වෙනුවෙන් නීතිඥ තිෂ්‍ය වේරගොඩ මහතා පෙනී සිටි බව ද අප අධිකරණ වාර්තාකරු සඳහන් කළා.
