ව්යාජ අංක තහඩු සවිකර තිබූ රුපියල් කෝටි 06ක් පමණ වටිනා ඩිෆෙන්ඩර් හා ප්රාඩෝ වර්ගයේ මෝටර් රථයක් සහ අශ්වබල -1000 යතුරු පැදියක් මහනුවර කොට්ඨාස අපරාධ විමර්ශන කාර්යාංශය විසින් අත්අඩංගුවට ගැනුණා.
අප ප්රාදේශීය වාර්තාකරු පැවසුවේ; මධ්යම පළාත් ජ්යෙෂ්ඨ නියෝජ්ය පොලිස්පති ලලිත් පතිනායකට ලැබුණ තොරතුරකට අනුව අස්ගිරිය ප්රදේශයේ තිබී අදාළ මෝටර් රථ පොලිස් භාරයට ගැනුණු බවයි.
එම ඩිෆෙන්ඩර් රථය ඇතුළු සෙසු වාහන අකුරණ ප්රදේශයේ ව්යාපාරිකයෙකු සන්තකයේ තිබියදියි සොයා ගැනුණේ.
මෙම වාහනවල අයිතිය තහවුරු කිරීම සඳහා ප්රමාණවත් ලියකියවිලි නොමැති වීම නිසා ඒවා පොලිස් භාරයට ගෙන සිදුකළ විමර්ශනවල දී අනාවරණය වී ඇත්තේ ඒවායෙහි අංක තහඩු ව්යාජ ඒවා බවයි.
මෙම වාහන නීති විරෝධීව මෙරටට ආනයනය කරන ලද මෝටර් රථ ද නැතහොත් මෙරට දී එකලස් කරන ලද මෝටර් රථ ද නොඑසේ නම්; සොරකම් කරන ලද ඒවා ද යන්න සම්බන්ධයෙන් තහවුරු කර ගැනීමට පොලිසිය විමර්ශනයක් ආරම්භ කර තිබෙනවා.
කෙසේවෙතත් මෙම ආයතනවල හිමිකරුවන් ලෙස පෙනී සිටි අය කිසිවෙකු මෙතෙක් පොලිස් අත් අඩංගුවට ගෙන නොමැති අතර සිද්ධිය සම්බන්ධයෙන් මහනුවර පොලිසිය විමර්ශන ක්රියාත්මකයි.
