පසුගිය දශක දෙකක කාලය තුළ ෂැංහයි සහයෝගීතා සංවිධානයේ (SCO) ක්රියාකාරකම් සමාලෝචනය කිරීමේ අරමුණ ඇතිව ලෝක නායකයින් කසකස්තානයේ අස්තානා හි දී හමු වනවා.
මෙවර පැවැත්වෙන්නේ SCO රාජ්ය නායක සමුළුවේ 24 වැනි අදියරයි.
මෙවර සමුළුවේ දී ඉන්දියාවේ ප්රමුඛතාවයන් හැඩගැසී ඇත්තේ අගමැති නරේන්ද්ර මෝදිගේ ‘SECURE’ SCO හි දැක්ම අනුව බව එරට විදේශ කටයුතු අමාත්යාංශය පවසනවා.
“SECURE යන්නෙන් අදහස් කරන්නේ ආරක්ෂාව, ආර්ථික සහයෝගීතාව, සම්බන්ධතාවය, එකමුතුකම, ස්වෛරීභාව සහ භෞමික අඛණ්ඩතාවට ගරු කිරීම සහ පාරිසරික ආරක්ෂාව” යන්නයි.
මෙවර සමුුළුවේ දී ෂැංහයි සහයෝගීතා සංවිධානය ඒකාබද්ධ ආයෝජන අරමුදලක් පිහිටුවීමට යෝජනා කර තිබෙනවා.
2020-2021 COVID-19 වසංගතය අතරතුර, වුව ද SCO සමුළුව පැවැත්වීම විශේෂත්වයක්.
ෂැංහයි සහයෝගීතා සංවිධානය (SCO) යනු ස්ථිර අන්තර් රාජ්ය ජාත්යන්තර සංවිධානයක්.
SCO හි ප්රධාන අරමුණු වන්නේ දේශපාලනය, වෙළෙඳ සහ ආර්ථිකය, විද්යාව සහ තාක්ෂණය, සංස්කෘතිය මෙන්ම අධ්යාපනය, බලශක්තිය, ප්රවාහනය, සංචාරක, පාරිසරික ආරක්ෂාව සහ අනෙකුත් ක්ෂේත්රවල ඵලදායී සහයෝගීතාව ප්රවර්ධනය කිරීම, සාමාජික රටවල් අතර අන්යෝන්ය විශ්වාසය සහ යහපත් අසල්වැසි සබඳතා ශක්තිමත් කිරීමයි.
