2024 අයි.පී.එල්. තරගාවලියෙන් පසු සිය අයි.පී.එල්. විශ්රාම ගැනීම ප්රකාශ කළ දිනේෂ් කාර්තික් යළිත් වරක් රෝයල් චැලෙන්ජස් බැංගලූරු කණ්ඩායම සමඟ එක් වී තිබෙනවා.
ක්රීඩා මාධ්ය වාර්තා කරන්නේ කාර්තික් බැංගලූරු කණ්ඩායමේ පිතිකරණ පුහුණුකරු සහ උපදේශක ලෙස එම කණ්ඩායම සමඟ යළි එක්වන බවයි.
ඒ, අනුව 2025 ඉන්දීය ප්රිමියර් ලීග් තරගාවලියේ දී තම කණ්ඩායමට දිනේෂ් කාර්තික්ගේ සේවාව ලබාගන්නා බව බැංගලූරු කණ්ඩායම මේ වනවිට නිවේදනය කර තිබෙනවා.
රෝයල් චැලෙන්ජස් බැංගලූරු කණ්ඩායමේ ප්රධාන කඩුලු රකින්නා ලෙස කලක සිට කටයුතු කළ දිනේෂ් කාර්තික් ප්රසිද්ධියට පත්ව ඇත්තේ දක්ෂ තරග අවසන් කරන්නෙකු ලෙසයි.
