ජුනි මස 09 වැනි දින බේරුවල වරායෙන් ධීවර කටයුතු සඳහා පිටත් ව ගිය ‘සහන් පුතා’ බහුදින ධීවර යාත්රාවේ පිරිසක් අතර ඇති වූ ගැටුමෙන් ජීවිතක්ෂයට පත් වූ සහ තුවාල ලැබූවන් අද (21) දින බේරුවල වරායට ළඟා වී තිබෙනවා.
මෙම සිදුවීමෙන් එක් ධීවරයෙකු ජීවිතක්ෂයට පත් ව තවත් කිහිපදෙනෙකු තුවාල ලබා ඇති බවයි පොලිසිය පැවසුවේ.
සිදුවීමෙන් මියගොස් ඇත්තේ බේරුවල – රොක්ලන්ඩ්වත්ත ප්රදේශයේ පදිංචි තිදරු පියෙකු වන 49 හැවිරිදි මාණිකවත්ත කංකානම්ගේ චන්දන උපුල් ශාන්ත ප්රනාන්දු නමැත්තෙක්.
අද උදෑසන 11.30ට පමණ ”සහන් පුතා” ධීවර යාත්රාව බේරුවල ධීවර වරායට පැමිණි අතර, එහිදී බේරුවල පොලිසිය එම ධීවර යාත්රාව පොලිස් භාරයට ගැනුණා.
එහිදී සිදුකළ විමර්ශනවල දී අනාවරණය වී ඇත්තේ; මෙම ඝාතනයට සම්බන්ධ සැකකරු එම යාත්රාවේ සිටි බවත්, ඔහුගෙන්
සිදු කළ ප්රශ්න කිරීමෙන් අනතුරුව සැකකරු පොලිස් අත්අඩංගුවට ගැනුණු බවයි.
මෙලෙස පහර දී ඝාතනය කිරීමට හේතුවක් මේ වන විටත් අනාවරණය වී නොමැති බවත් සැකකරු අත්අඩංගුවට ගෙන ඉදිරි විමර්ශන කටයුතු සිදු කිරීමට නියමිත බවත් බේරුවල පොලිසිය පවසනවා.
මෙම ගැටුමෙන් එම යාත්රාවේ සිටි තවත් තුන්දෙනෙකු සුළු තුවාල ලබා ඇති අතර, ඔවුන් ද රෝහල්ගත කිරීමට නියමිතයි.
යාත්රාවේ සිටි එහි ක්රියාකරු ප්රකාශ කරන්නේ මෙම ආරවුලට කිසිදු හේතුවක් ඔවුන් නොදන්නා බවත්; ඔවුන් දෙදෙනා අතර ඇති වූ ගැටුම බේරීම සඳහා උත්සාහ කළ බවත්, එම උත්සහාය ව්යාර්ථ වී තමන්ට ද තුවාල සිදු වූ බවයි.
එම පුද්ගලයා මියගිය පසු ඔහුගේ දේහය සුරක්ෂිත මෙම යාත්රාවේ කොටසක තැන්පත් කොට ගොඩබිමට රැගෙන ඒමට කටයුතු කළ බව ද හෙතෙම පවසා සිටිනවා.
යාත්රාවේ හිමිකරු වන බේරුවල ප්රදේශයේ පදිංචි පුද්ගලයා ප්රකාශ කරන්නේ මෙම ගැටුම 20 වැනි දා අලුයම් කාලයේ සිදු ව ඇති බවත් ඔහුට ඒ පිළිබඳ ව වෙනත් යාත්රාවකින් ඇමතුමක් ලැබුණු බවත් ය.
ඒ නිසා ඔහු එම යාත්රාවේ සිටි පිරිස විගස ගොඩබිමට රැගෙන ඒමට කටයුතු කළ ද එය අසාර්ථක වී ඇති බවත් ඔහු පොලිසියට පවසා තිබෙනවා.
මෙම යාත්රාවේ ගමන් ගත් ධීවරයින් එකිනෙකා හඳුනන පුද්ගලයින් බවත් ඔවුන් ගමන පිටත්වීමට පෙර කිසිදු ආරවුලක් නොතිබූ බවත් සාක්ෂිකරු වැඩිදුරටත් සඳහන් කර සිටින බවයි පොලිසිය පැවසුවේ.
මෙම ඝාතනය සඳහා යොදාගත් පිහිය ද යාත්රාවේ තිබී සොයා ගැනුණා.
මෙම සිද්ධිය සම්බන්ධයෙන් බේරුවල පොලිසියේ විශේෂ පොලිස් කණ්ඩායමක් පරීක්ෂණ කටයුතු සිදු කරන අතර කළුතර කොට්ඨාස අපරාධ පරීක්ෂණ නිලධාරීන් සහ කළුතර කොට්ඨාස සහකාර පොලිස් අධිකාරී දුමින්ද රාජපක්ෂගේ මූලිකත්වයෙන් ඉදිරි විමර්ශන කටයුතු සිදු කෙරෙනවා.
