ප්‍රාදේශීය දේශපාලනඥයෙකුගේ රැකවරණය මත මංකොල්ලකෑම්, බියගැන්වීම්, කප්පම් ගැනීම් හා විවිධ අපරාධ සම්බන්ධයෙන් සැඟව සිටි ‘කොටවිල වයර් සුද්දා’ නමැති පුද්ගලයකු අත්අඩංගුවට ගත් බව කොටවිල පොලිසිය පවසනවා.
මෙම සැකකරු විසින් තියුණු පිහියක් සන්තකයේ තබා ගනිමින් ජනතාව බියගන්වමින් විවිධ කප්පම් ගැනීම්, මංකොල්ලකෑම්, හා විවිධ අපරාධ හා මත්ද්‍රව්‍ය චෝදනා සම්බන්ධයෙන් අධිකරණය මගහරිමින් කාලයක් සැඟවී සිටි බව‍යි පොලිසිය පැවසුවේ.
සැකකරු; හිටපු ප්‍රාදේශීය දේශපාලඥයෙකුගේ රැකවරණය මත මෙම කටයුතු සිදු කරගෙන ගිය බව ද පොලිසිය හෙළි කරගෙන තිබෙනවා.
මොහු අත්අඩංගුවට ගන්නා අවස්ථාව වන විට යට ඇඳුමේ සඟවා සිටි හෙරොයින් ග්‍රෑම් 02යි මිලිග්‍රෑම් 400ක් ද සොයා ගැනුණා.
සැකකරු අධිකරණය වෙත ඉදිරිපත් කිරීමට නියමිතයි.
ඔබේ ප්‍රතිචාරය කුමක්ද ?
+1
+1
+1
2
+1
+1
+1
+1
