මෙවර T20 ක්රිකට් ලෝක කුසලානයේ සිහිනය බොඳ කරගන්නට ශ්රී ලංකා කණ්ඩායමට සිදු වුණා.
ඒ අද (12) අමෙරිකාවේ ලවුඩර්හිල් හි දී පැවැත්වීමට නියමිත කර තිබූ නේපාල – ශ්රී ලංකා තරගය අතහැර දැමීම නිසාවෙන්.
ඇදහැලෙන ධාරානිපාත වර්ෂාව නිසා මෙම තරගය අතහැර දැමීමටයි ක්රිකට් බලධාරීන් තීරණය කර ඇත්තේ.
ඒ අනුව මේ වනවිටත් පැවති තරග දෙක ම පරාජයට පත් ව සිටින ශ්රී ලංකා කණ්ඩායමට යළිත් මව්බිම බලා ඒමට සිදු වනු ඇති.
D කාණ්ඩය යටතේ තරග වැදුණු ශ්රී ලංකා කණ්ඩායම අද මුහුණදීමට සිටියේ මෙවර ලෝක කුසලානය ක්රිකට් තරගාවලියේ 23 වැනි තරගයයි.
මේ වනවිට ශ්රී ලංකා කණ්ඩායම කිසිදු තරගයක් ජය නොගෙන D කාණ්ඩය යටතේ ප්රසාද ලකුණු සටහනේ අවසාන ස්ථානයේ රැඳී සිටිනවා.
