ඉල්ලීම් කිහිපයක් මුල් කරගනිමින් ඊයේ (06) රාත්රියේ සිට දුම්රිය රියදුරන් පිරිසක් ආරම්භ කළ වර්ජනය තවදුරටත් ක්රියාත්මක කරන බව දුම්රිය වෘත්තීය සමිති පවසනවා.
දුම්රිය රියදුරු සංගමයේ 2015 හා 2017 වර්ෂවල දී සේවයට බැඳුණු දුම්රිය රියදුරන් 84 දෙනෙකුගේ උසස්වීම් ගැටලුවක් මුල් කරගනිමින් එම රියදුරුන්ගෙන් එක් පාර්ශවයක් අද (06) දින සේවයෙන් ඉවත්ව වැඩ වර්ජනයක් ක්රියාත්මක කළා.
වර්ජනයේ නිරත දුම්රිය වෘත්තීය සමිති දුම්රිය සාමාන්ය අධිකාරීවරයා වෙත ලිපියක් යොමු කරමින් පෙන්වා දුන්නේ සිය ගැටළුව සම්බන්ධයෙන් අවස්ථා කීපයක දී බලධාරින් දැනුම්වත් කල ද නිසි පිළිතුරක් නොලැබුනු බවයි.
මේ හේතුවෙන් අවස්ථා කිහිපයකදීම වෘත්තීය සමිති ක්රියාමාර්ගය ආරම්භ කිරීමට සූදානම්වුව ද ඒවා ක්රියාත්මක නොකළ බව ද ඔවුන් වැඩිදුරටත් පෙන්වා දෙනවා.
පැවති අයහපත් කාලගුණ තත්ත්වය පහව ගොස් ඇති බැවින් අද සිට සිය වැඩවර්ජනය ක්රියාත්මක කළ බවයි එම නිවේදනයෙන් වැඩිදුරටත් දන්වා සිටින්නේ.
දුම්රිය ධාවනාගාර පහෙන් ධාවනාගාර 02ක රියදුරන් පමණක් මෙම වර්ජනයට එක්වී සිටින අතර, මේ හේතුවෙන් බලවේග කට්ටල දුම්රිය ධාවනය සිදු නොවන බවයි ලොකොමොටිව් ඔපරේටින් ඉංජිනේරු සංගමය පවසන්නේ.
