2016 වසරේ රාජගිරිය ප්රදේශයේ සිදුවූ මහත් ආන්දෝලනයකට තුඩු දුන් රිය අනතුරු සිද්ධිය සම්බන්ධයෙන් හිටපු අමාත්ය පාඨලී චම්පික රණවකගේ රියදුරු සොයාදෙන ලෙස ඔහුගේ බිරිඳ, අත දරුවා සහ ඇයගේ මව අනීතික ලෙස කොළඹ අපරාධ කොට්ඨාසයට රැගෙනවිත් පැය කිහිපයක් එහි රදවා තබා ගැනීම තුළින් පොලිසිය මූලික මිනිස් අයිතිවාසිකම් උල්ලංඝනය කර ඇතැයි ශ්රේෂ්ඨාධිකරණය අද (31) තීන්දු කළා.
ඒ, අනුව අදාළ මූලික අයිතිවාසිකම් කඩකිරීමට වගකිවයුතු කොළඹ අපරාධ කොට්ඨාසයේ එවක වැඩබලන අධ්යක්ෂවරයා ලෙස කටයුතු කළ නෙවිල් සිල්වා සහ එහි ප්රධාන පොලිස් පරීක්ෂක ඒ.මෙත්තානන්ද යන නිලධාරීන් සිය පුද්ගලික මුදල්වලින් රුපියල් 250,000 බැගින් පෙත්සම්කාරියට වන්දි ගෙවිය යුතු බවත් නියෝග කරනු ලැබුවා.
ඊට අමතරව රජය විසින් රුපියල් 10,000 වන්දියක් ගෙවිය යුතු බවත් නියෝග කෙරුණා.
අර්ජුන ඔබසේකර, මහින්ද සමයවර්ධන යන විනිසුරුවරුන්ගේ එකඟත්වය සහිතව ශ්රේෂ්ඨාධිකරණ විනිසුරු එස්. තුරෙයි රාජා මහතා විසින් මෙම තීන්දුව ප්රකාශයට පත් කළා.
