ලබන අඟහරුවා දා පැවැත්වීමට නියමිත එල්.පී.එල්. ක්රීඩක වෙන්දේසියේ දී ක්රීඩකයින් 350ක පමණ සංඛ්යාවක් ඉදිරිපත් කිරීමට නියමිත බව තරගාවලියේ අධ්යක්ෂ සමන්ත දොඩන්වල පවසනවා.
එල්.පී.එල්. විස්සයි විස්ස තරගාවලිය සම්බන්ධයෙන් දැනුම්වත් කිරීමේ මාධ්ය හමුවකට එක්වෙමින් අද (17) ඔහු මේ බව සඳහන් කළා.
ඒ, අනුව මෙම වෙන්දේසිය සඳහා විදෙස් ක්රීඩකයින් 260කට වැඩි සංඛ්යාවක් ඉදිරිපත් කිරීමට නියමිත බවයි ඔහු මෙහිදී සඳහන් කළේ.
මේ අතර මෙවර ක්රීඩක වෙන්දේසියේ දී කණ්ඩායම් හිමිකරුවන් ඇමරිකානු ඩොලර් මිලියන 2.5ක් හෙවත් රුපියල් කෝටි 75කට අධික මුදලක් වැයකිරීමට නියමිත බව ද ඔහු පැවසුවා.
තරගාවලියේ අධ්යක්ෂ සමන්ත දොඩන්වල මෙහිදී වැඩිදුරටත් සඳහන් කර සිටියේ පසුගිය වසරේ කණ්ඩායම් හිමිකාරිත්වය දැරූ හිමිකරුවන් දෙදෙනෙක් ඉවත්කර කණ්ඩායම් දෙකකට නව හිමිකරුවන් තෝරාගත් බවත් මෙහිදී සඳහන් කර සිටියා.
එලෙස ඉවත්කර හිමිකරුවන් විසින් තරගවලියේ නියමිත නීති රීති අනුව කටයුතු නොකිරීම හේතුවෙන් මෙම තීරණය ගෙන තිබෙනවා.
ලංකා ප්රීමියර් ලීග් තරගාවලියේ 05 වන අදියර එළඹෙන ජුලි මස 01 වනදා සිට 21 වනදා දක්වා මහනුවර, දඹුල්ල සහ කොළඹ දී පැවැත්වීමටයි සැලසුම්කර ඇත්තේ.
