ඇමරිකා එක්සත් ජනපද කෘෂිකර්ම දෙපාර්තමේන්තුවේ වෙළෙඳ සහ විදේශ කෘෂිකාර්මික කටයුතු පිළිබඳ උප ලේකම් ඇලෙක්සිස් ටේලර් සහ ජනාධිපති රනිල් වික්රමසිංහ අතර හමුවක් ඊයේ (26) පස්වරුවේ ජනාධිපති කාර්යාලයේ දී සිදු වුණා.
ඇමරිකා එක්සත් ජනපදයේ සහාය ඇතිව මෙරට කිරි නිෂ්පාදනය නවීකරණය කිරීමේ වැඩසටහනක් ක්රියාත්මක කිරීම පිළිබඳ මෙහිදී සාකච්ඡා කෙරුණු අතර, එම වැඩසටහන මඟින් දිවයින පුරා දැනට ක්රියාත්මක කිරි නිෂ්පාදනය ප්රචලිත කිරීමේ ව්යාපෘති තවදුරටත් දිරිමත් කරනු ඇති බව ජනාධිපති රනිල් වික්රමසිංහ සඳහන් කළා.
රජයේ කෘෂි නවීකරණ වැඩසටහන පිළිබඳව ද ජනාධිපති රනිල් වික්රමසිංහ මෙහිදී ඇලෙක්සිස් ටේලර් දැනුවත් කළ අතර, මෙරට කෘෂිකර්ම ක්ෂේත්රය සඳහා තරුණ පරපුර ආකර්ෂණය කර ගැනීම එහි ප්රමුඛ අරමුණක් බව ද පැවසුවා.
ශ්රී ලංකාවේ කෘෂි නවීකරණ වැඩසටහන වෙනුවෙන් සිය පූර්ණ සහාය ලබා දෙන බවට උප ලේකම්වරිය ඇතුළු එක්සත් ජනපද නියෝජිත පිරිස මෙහිදී ජනාධිපතිවරයා වෙත සහතික වූහ.
