ඉන්දීය ප්රිමියර් ලීග් තරගාවලියේ 19වන තරගයෙන් රෝයල් චැලෙන්ජර්ස් බෙන්ගලුරු කණ්ඩායම පරදවා කඩුළු 06ක ජයක් වාර්තා කිරීමට රාජස්ථාන් රෝයල්ස් කණ්ඩායම ඊයේ (06) දින රාත්රියේ සමත් වුණා.
මෙවර තරගාවලියේ පළමු සහ දෙවන ශතක දෙකම මෙම තරගයේදී වාර්තා වීමත් විශේෂත්වයක්.
මෙම තරගයේ කාසියේ වාසිය දිනු රාජස්ථාන් කණ්ඩායම තීරණය කළේ පළමුව පන්දු රැකීමටයි.
ඒ අනුව පිටියට පිවිසි බෙන්ගලුරු කණ්ඩායම නියමිත පන්දුවාර 20 අවසානයේ කඩුළු 03ක් දැවී ලකුණු 183ක් ලබා ගත්තා.
එහිදී විරාට් කෝලි නොදැවී ලකුණු 113ක් පන්දු 72කින් රැස්කල අතර එය මෙවර තරගාවලියේදී වාර්තා වූ පළමු ශතකයද වනවා .
එමෙන්ම එය විරාට් කෝලි ලබා ගත් 09වන විස්සයි විස්ස ශතකයයි.
ඔහුට එම ශතකය රැස් කිරීම සදහා පන්දු 67 ක් වැය වූ අතර එයට හයේ පහර 04ක් සහ හතරේ පහර 09ක් අන්තර්ගත වුණා.
පන්දු යැවීමේදී යුස්වේන්ද්ර චහල් ලකුණු 34කට කඩුළු 02ක් දවාගත්තා.
ඒ අනුව රාජස්ථාන් කණ්ඩායමට මෙම තරගය ජය ගැනීම සදහා හිමි වූ ඉලක්කය පන්දුවාර 19යි එක් පන්දුවක් අවසානයේ සම්පුර්ණ කිරීමට හැකිවුණා.
එහිදී මෙවර තරගාවලියේ වාර්තා වූ දෙවන ශතකය රාජස්ථාන් කණ්ඩායමේ ජෝස් බට්ලර් විසින් වාර්තාකල අතර ඔහුට ඒ සදහා වැය වූ පන්දු සංඛ්යාව 58ක් .
පන්දු යැවීමේදී රීස් ටොප්ලි ලකුණු 27ට කඩුළු 02ක් දවා ගත්තා.
මෙම තරගයේ වීරයා වශයෙන් නම් කෙරුනේ රාජස්ථාන් කණ්ඩායමේ ජෝස් බට්ලර්වයි.
