අධිකරණයට අපහාස කිරීම සම්බන්ධයෙන් රක්ෂිත බන්ධනාගාර ගත කර සිටි වැඩ තහනමට ලක්ව සිටින නීතිඥවරයෙකු වන සුසිල් ජයතුංග ඇප මත මුදා හැරීමට ශ්රේෂ්ඨාධිකරණය නියම කර තිබෙනවා.
ඒ අනුව, එම පුද්ගලයා රුපියල් ලක්ෂ පහක පුද්ගලික ඇප මත මුදා හැරීමට නියෝග කළ ශ්රේෂ්ඨාධිකරණය සෑම මසකම පළමු සඳුදා ශ්රේෂ්ඨාධිකරණයේ රෙජිස්ටර්වරයා හමුවේ පෙනී සිට වාර්තා කළ යුතු බවටත් නියෝග කළා.
එමෙන්ම සෑම මසකම දෙවන සහ හතර වන සඳුදා පොළොන්නරුව මහාධිකරණ රේජිස්ට්රාර්වරයා හමුවේ පෙනී සිට වාර්තා කළ යුතු බවත් මෙම ඇප කොන්දේසි කඩ කළොත් යළි ඇප වලංගු කොට රක්ෂිත බන්ධනාගත කරන බවත් නියෝග කළා.
සානුකම්පිත හේතුන් පදනම් කරගෙන මෙම ඇපය නියම කරන බවයි විනිසුරු මඩුල්ල සඳහන් කළේ.
