ඉන්දීය ප්‍රිමියර් ලීග් තරගාවලියේ චෙන්නායි සුපර් කිංග්ස් කණ්ඩායම සහ දිල්ලි කැපිටල්ස් අතර තරගය මේ වනවිට විශාකාපට්නම් හිදී පැවැත්වෙනවා.
මෙම තරගයේ පළමුව පන්දුවට පහර දුන් දිල්ලි කැපිටල්ස් ක්‍රීඩකයින් නියමිත පන්දුවාර 20 තුළ කඩුලු 05ක් බිඳ වැටී ලකුණු 191ක් රැස් කළා.
එහිදී ආරම්භ පිතිකරු ඩේවිඩ් වෝනර් ලකුණු 52ක් සහ නායක රිෂාබ් පාන්ට් වේගවත් ඉනිමක් ක්‍රීඩාකරමින් පන්දු 32ක් තුළ ලකුණු 51ක් රැස් කිරීමට සමත් වුණා.
සුපිරි පන්දු යැවීමක නිරත වූ මතීෂ පතිරණ සිය පන්දුවාර 04 තුළ ලකුණු ලකුණු 31කට දිල්ලි ඉනිමේ වටිනා කඩුලු 03ක් දවාගත්තා.
ඊට අමතරව මුස්තාෆිසුර් රහ්මාන් සහ රවීන්ද්‍ර ජඩේජා එක් කඩුල්ල බැඟින් බිඳ දැමුවා.
මෙම තරගයේ දී ඩේවිඩ් වෝනර්ගේ දවාගැනීම වෙනුවෙන් මතීෂ පතිරණ රැකගත් සුපිරි උඩ පන්දුව පිළිබඳව මේ වනවිට බොහෝ දෙනෙකුගේ අවදානය යොමුව තිබෙනවා.
චෙන්නායි සුපර් කිංග්ස් කණ්ඩායමට මෙම තරගය ජයග්‍රහණය වෙනුවෙන් ලකුණු 192ක ඉලක්කයක් පන්දු 120ක් තුළ හිමිව තිබෙනවා.
