මීගමුවේ සම්බාහන මධ්‍යස්ථානවලින් එච්.අයි.වී. වෛරසය ශරීර ගත වූ කාන්තාවන් දෙදෙනකු සොයාගැනීමත් සමග ඔවුන්ගෙන් සේවය ලබාගත් පාරිභෝගිකයන් වෛද්‍ය පරීක්ෂණවලට යොමු කිරීමට පොලිසිය සහ සෞඛ්‍ය අංශ ඒකාබද්ධව විමර්ශනයක් ආරම්භ කර තිබෙනවා.
ඒ අනුව, අදාළ සම්බාහන මධ්‍යස්ථාන වෙත සේවය ලබාගැනීම සඳහා පැමිණි පුද්ගලයන් සම්බාහන මධ්‍යස්ථාන වෙත ලබා දී ඇති පෞද්ගලික තොරතුරුවලට අනුව එම පුද්ගලයන් හඳුනාගැනීමට මේ වන විට කටයුතු කරමින් ඇති බවයි සඳහන් වන්නේ.
මේ අතර ඊයේ (27) දින මීගමුව ප්‍රදේශයේ සම්භාහන මධ්‍යස්ථානවලින් එච්.අයි.වී. ආසාධිත කාන්තාවන් දෙදෙනෙකු හඳුනාගත් බව සැලවීමත් සමග ඔවුන් සේවය කළ සම්බාහන මධ්‍යස්ථානය පිළිබඳ දැනගැනීම සඳහා පොලිසිය වෙත දුරකථන ඇමැතුම් රැසක් ලැබෙන බව වාර්තා වනවා.
පසුගිය දිනක මීගමු ප්‍රදේශයේ මත්ද්‍රව්‍ය සඳහා ඇබ්බැහිවූ පුද්ගලයන් සඳහා සිදුකළ වෛද්‍ය පරීක්ෂණයක දී එයට සහභාගී වූ එක් අයකුට එච්.අයි.වී. වෛරසය ආසාදනය වී ඇති බවට තහවුරුවී තිබෙන බවත්, ඉන් අනතුරුව අදාළ අංශ විසින් ඔහුගෙන් කරන ලද විමසීම්වල දී හෙළිවී ඇත්තේ ඔහු දීර්ඝකාලීනව සම්භාහන මධ්‍යස්ථානවල සේවය ලබාගත් සාමාජිකයකු බවත්ය.
ඉන් අනතුරුව විමර්ශනයක් ආරම්භකර සම්බාහන මධ්‍යස්ථාන මුවාවෙන් ගණිකා නිවාස පවත්වාගෙන ගිය මධ්‍යස්ථාන පනස් තුනක සේවයේ නියුතු කාන්තාවන් 137 දෙනෙකු අත්අඩංගුවට ගෙන ඇති අතර එම පිරිස අතර වයස අවුරුදු 15ක බාලවයස්කාර දැරියක්ද සිට තිබුණා.
wpDiscuz
