ඩුබායි රාජයේ සැඟවසිටින ප්රබල මත්ද්රව්ය ජාවාරම්කාර ඩුබායි තරංගගේ ගෝලයෙකු සහ තවත් අයෙකු කළුතර අපරාධ කොට්ඨාසය හෙරොයින් සමග අත්අඩංගුවට ගෙන තිබෙනවා.
මේ දිනවල ක්රියාත්මක යුක්තිය මෙහෙයුමට සමගාමීව කළුතර අපරාධ කොට්ඨාසය ඊයේ (14) දින පානදුර ප්රදේශයේ සිදුකළ වැටලීමකදී ඩුබායි රාජ්යයේ සැඟව සිටින ප්රබල මත්ද්රව්ය ජාවාරම්කාර ඩුබායි තරංගගේ ගෝලයෙකු හෙරොයින් ග්රෑම් 10ක සහ තවත් අයෙකු හෙරොයින් ග්රෑම් 6ක් සමඟ අත්අඩංගුවට ගත්බව කළුතර අපරාධ කොට්ඨාසය පවසනවා.
මෙහි ප්රධාන සැකකරු පානදුර වලාන අලුත් පාලම අසල වෙනත් පුද්ගලයෙකුට ලබාදීම සඳහා හෙරොයින් සන්තකයේ තබාගෙන සිටියදී අත්අඩංගුවට ගෙන ඇති බව සඳහන්.
46 හැවිරිදි මෙම සැකකරු සන්තකයේ තිබී අත්අඩංගුවට ගත් හෙරොයින්වල ප්රමාණය ග්රෑම් දහයක් වෙයි.
අනෙක් සැකකරු 24 හැවිරිදි පානදුර මෝදර සුනාමි නිවාස සංකීර්ණය පදිංචි පුද්ගලයෙකු වන අතර ඔහු සන්තකයේ තිබී හෙරොයින් ග්රෑම් හයක් සොයා ගෙන තිබෙනවා.
මෙම හෙරොයින්වල වටිනාකම රුපියල් ලක්ෂ හතරකට ආසන්න වන අතර මෙම ජාවාරම සිදුකරගෙන ගිය ජංගම දුරකථන දෙකක්ද පොලිස් භාරයට ගෙන තිබෙනවා.
මේ සම්බන්ධයෙන් සිදුකළ විමර්ශනයවලදී අනාවරණය වී ඇත්තේ, මෙම සැකකරුවන් දෙදෙනා පානදුර, මොරටුව, එගොඩඋයන ප්රදේශවල බහුල වශයෙන් මෙම ජාවාරම් සිදුකරන බවත්, මීට අමතරව කළුතර, අලුත්ගම, බේරුවල ප්රදේශවල මත්ද්රව්යවලට ඇබ්බැහිවූවන් සඳහා දුරකථන පණිවිඩ ඔස්සේ පානදුර ප්රදේශයට ඔවුන් ගෙන්වාගෙන මෙම ජාවාරම සිදු කරගෙන ගොස් ඇති බවයි.
අත්අඩංගුවට පත් සැකකරුවන් දෙදෙනා අද (15) දින පානදුර මහේස්ත්රාත් අධිකරණයට ඉදිරිපත් කිරීමට නියමිතයි.
