ශ්රී ලංකා විස්සයි විස්ස සංචිතයට වසර දෙක හමාරකට පමණ පසු නිරෝෂන් දික්වැල්ල කැඳවා තිබෙනවා.
ඒ, බංග්ලාදේශ කණ්ඩායම සමඟ ආරම්භවීමට නියමිත තරග තුනකින් සමන්විත විස්සයි විස්ස තරගාවලිය වෙනුවෙන්.
මෙම තරගාවලියට සඳහා නම්කර සිටි කුසල් ජනිත් පෙරේරාට ඇතිව තිබෙන අසනීප තත්ත්වයක් හේතුවෙන් ඔහුට මෙම තරගාවලිය අහිමිව යන අතර, ඔහු වෙනුවටයි දික්වැල්ල ශ්රී ලංකා සංචිතයට කැඳවා ඇත්තේ.
ඒ, අනුව නිරෝෂන් දික්වැල්ල බංග්ලාදේශයට ගොස් සිටින ශ්රී ලංකා විස්සයි විස්ස සංචිත සමඟ එක්වීමට නියමිතයි.
දික්වැල්ල ශ්රී ලංකාව වෙනුවෙන් අවසන් වරට විස්සයි විස්ස තරගයක් සඳහා ක්රීඩාකර ඇත්තේ 2021 වසරේ ජුනි මාසයේදී යි.
සංචාරක ශ්රී ලංකා කණ්ඩායම සහ බංග්ලාදේශය අතර තරග තුනකින් සමන්විත විස්සයි විස්ස තරගාවලිය ලබන 04 වනදා ආරම්භවීමට නියමිතයි.
