කොදෙව් දේශයේදී ශ්රී ලංකා කණ්ඩායම සිය ගෞරවය රැක ගන්නනට ශ්රී ලංකා කණ්ඩායමට හැකියාව ලැබුණා. ඒ දෙරට අතර පැවති දෙවන ටෙස්ට් තරඟය ජය පැරදුමෙන් තොරව අවසන් කරමින් දෙරට අතර තරඟ දෙකකින් සමන්විත ටෙස්ට් තරඟාවලිය ද ජය පැරදුමෙන් තොරව නිමා කරමින්.
දෙවන තරඟයේ කාසිය වාසිය දිනූ ශ්රී ලංකා නායකයාගේ ආරාධනයෙන් පළමුව පන්දුවට පහරදුන් කොදෙව් කණ්ඩායම සිය පළමු ඉනිමට සියල්ලන් දැවී ලකුණු 354ක් රැස්කළා.
ඊට පිළිතුරු වරශයේ ශ්රී ලංකා කණ්ඩායමට සිය පළමු ඉනිම වෙනුවෙන් රැස්කර ගත හැකි වූයේ ලකුණු 258ක් පමණයි. ලකුණු 97ක වාසියක් ද සමඟ දෙවන ඉනිම ආරම්භ කළ කොදෙව් පිල කඩුලු 04ක් දැවී ලකුණු 280ක් රැස්කරගෙන සිටියදී සිය ඉනිම අත්හිටුවීමට තීරණය කළා. ඒ අනුව ශ්රී ලංකා කණ්ඩායමට ජයග්රහණය වෙනුවෙන් ලකුණු 377ක ඉලක්කය හිමි වූ අතර එම ඉලක්කය හඹා ගිය ශ්රී ලංකා කණ්ඩායමට තරඟයේ අවසන් දිනය වනවිට රැස්කරගත හැකිවුයේ කඩුලු 02ක් දැවී ලකුණු 193ක් පමණයි.
ඒ අනුව දෙරට අතර දෙවන ටෙස්ට් තරඟය ජය පැරදුමෙන් තොරව අවසන් වුණා. මෙම තරඟයේ පළමු ඉනිමේදී ලකුණු 126ක් රැස්කළ කොදෙව් නායක ක්රේග් බ්රැත්වෙයිට් තරඟයේ වීරයා ලෙස සම්මාන ලැබූ අතර තරඟාවලිය තුල කඩුලු 11ක් බිඳ දැමූ සුරංග ලක්මාල් තරඟාවලියේ වීරයා බවට පත් වුණා.
