ඉන්දීය දේශීය ක්රිකට් තරග බිමේ පැවැත්වෙන ප්රධානතම තරගාවලිය වන රංජි කුසලාන තරගාවලිය නොසලකා හැරීම සම්බන්ධයෙන් ඉන්දීය ක්රීඩකයින් කිහිපදෙනෙකුට ජේ ෂා අනතුරු අඟවා තිබෙනවා.
ඉෂාන් කිෂාන්, ශ්රේයාස් අයියර්, දීපක් චාහර් යන ක්රීඩකයින්ට, ඉන්දීය ක්රිකට් ලේකම් ජේ ෂා විසින් මෙලෙස අනතුරු අඟවා ඇති බවයි වාර්තා වන්නේ.
ඉන්දීය ක්රීඩකයින් මේ වනවිට දේශීය ක්රිකට් තරග නොසලකා හැරීමේ ප්රවනතාව සම්බන්ධයෙන් ජේ ෂා කනස්සල්ල පළකර ඇති බව ද ඉන්දීය මාධ්ය වාර්තා කරනවා.
ඉෂාන් කිෂාන්, ශ්රේයාස් අයියර්, දීපක් චාහර් යන ක්රීඩකයින් ඉන්දීය ක්රිකට් ආයතනයේ නිලධාරීන්ගේ ඉල්ලීම් නොතකා රංජි කුසලාන තරගාවලිය අත්හැර දමා ආරම්භවීමට නියමිත අයි.පී.එල් තරගාවලිය සම්බන්ධයෙන් ප්රමුඛත්වය දීමට එරෙහිව මෙම අනතුරු ඇඟවීම සිදුකර ඇති බව සඳහන්.
එලෙස දේශීය ක්රිකට් තරගවලට සම්බන්ධ නොවෙන ක්රීඩකයින්ට දරුණු තීරණයවලට මුහුණදීමට සිදුවනු ඇති බවයි ඉන්දීය ක්රිකට් ලේකම් ජේ ෂා පවසා ඇත්තේ.
ඉන්දීය දේශීය තරඟාවලි වල කාර්ය සාධනය තේරීම සඳහා තීරණාත්මක මිනුම් දණ්ඩක් ලෙස පවතින අතර, දේශීය ක්රිකට්වලට සහභාගී නොවීම බරපතල තත්ත්වයක් බව ඔහු පවසනවා.
