මත් රකුසාගෙන් බේරෙන්න කැමති අයට අලුත් එකක් (වීඩියෝ)

මෙරට මත්ද්‍රව්‍ය භාවිත කරන්නන් ඉන් මුදවා ගැනීම සඳහා විධිමත් ක්‍රමවේදයක් තවමත් ක්‍රියාත්මක වන්නේ නැහැ.

ඔවුන්ගේ පුනරුත්ථාපන ක්‍රියාවලියක් මේ වන විට ප්‍රශ්න සහගත තත්ත්වයකට පත්ව ඇති මොහොතේ පුනරුත්ථාපනයට ස්වෙච්ඡාවෙන් යොමුවූවන් සඳහා නව ප්‍රවේශයක් ලබාදී තිබෙනවා.

ඒ විෂ මත්ද්‍රව්‍ය සහ අන්තරායකර ඖෂධ භාවිතය වැලැක්වීම සඳහාවන කාර්ය සාධක බලකාය විසින්.

ඒ අනුව මත්ද්‍රව්‍යයට ඇබ්බැහි වී ඉන් මිදීම සදහා ඉදිරිපත් වන පුද්ගලයන් වෙනුවෙන් විශේෂ දුරතකන අංකයක් හඳුන්වා දී තිබෙනවා.

1927 නම් එම ක්ෂණික දුරකථන අංකය ඔස්සේ ප්‍රතිකාර සහ උපදේශනය ස්වේචාවෙන් ලබා ගැනීමට හැකියි.

මේ සේවාව යටතේ අනන්‍යතාව සුරක්ෂිත වන ලෙස අදාළ උපදේශනය ලබා ගැනීමට හැකි වීමද විශේෂත්වයක්.

එම දුරකථන අංකය ඇමතීමෙන් මත්ද්‍රව්‍යට ඇබ්බැහිවුවන්ගේ පවුල්වල ඥාතින් සඳහාද තොරතුරු ලබා ගත හැකියි.

මේ අතර දීර්ඝ කලක පටන් අයිස් මත්ද්‍රව්‍ය ජාවාරමේ යෙදී සිටි මහරගම ප්‍රදේශයේ පදිංචි වයස අවුරුදු 27ක පුද්ගලයකු පොලිස් අත්අඩංගුවට ගෙන තිබෙනවා.

අත්අඩංගුවට ගන්නා අවස්ථාවේ ඔහු සතුව තිබී අයිස් මත්ද්‍රව්‍ය ග්‍රෑම් 12, මිලි ග්‍රැම් 300 ක් ද පොලිස් භාරයට ගැණුනා.

මීට අමතරව ජාවාරමෙන් උපයාගත් රුපියල් පහළොස් දහසක මුදලක්ද ජංගම දුරකථන 02 ක්ද පොලිස් භාරයට ගෙන තිබෙනවා.

ගතවු පැය 24 තුළ දිවයින පුරා සිදු කළ පොලිස් මෙහෙයුම් වලින් සැකකරුවන් 818 දෙනෙකු අත්අඩංගුවට ගෙන ඇති අතර මත්ද්‍රව්‍ය වැරදි සම්බන්ධ සැකකරුවන් 554දෙනෙකු සහ අපරාධ ලැයිස්තුවේ සිටි සැකකරුවන් 264 ක් එම පිරිසට අයත්.