උල්හිටිය රත්කිඳ මාර්ගයේ උල්හිටිය ජලාශයේ පිටවාන හරහා ගමන් කළ ත්රී රෝද රථයක් එහි රියදුරු සමග අද (07) අළුයම 12.30ට පමණ සැඩ පහරට හසුව ගසාගෙන යාමෙන් එහි රියදුරු අතුරුදන්ව තිබෙනවා.
මෙලෙස අතුරුදහන් ව ඇත්තේ ගිරාඳුරුකෝට්ටේ තේක්කවත්ත ප්රදේශයේ පදිංචිව සිටි 28 හැවිරිදි තරුණයෙක්.
ඔහු තවත් අයෙකු සමග අද අලුයම ත්රී රෝද රථයෙන් උල්හිටිය රත්කිද මාර්ගයේ පිටවාන පිහිටි ප්රදේශය හරහා ගමන් කරමින් සිටියදීයි මෙලෙස සැඩ ජල පහරකට හසුව ගසාගෙන ගොස් ඇත්තේ.
මෙම අතුරුදන්වීම සම්බන්ධයෙන් එම රථයේ පිටුපස පැමිණි තරුණයා ගිරාඳුරුකෝට්ටේ පොලිසියට හා ජලාශය භාර නිලධාරීන්ට දැනුම්දීමක් කර තිබෙනවා.
ඒ අවස්ථාව වන විට උල්හිටිය රත්කිඳ නිවුන් ජලාශයේ වාන් දොරටු 7ම විවෘත කර තිබී ඇති බව ද සඳහන්.
අතුරුදන් වූ තරුණයා සොයා ප්රදේශවාසීන් සහ පොලිසිය එක්ව මේ වන විට මෙහෙයුමක් ආරම්භ කර තිබෙනවා.
