වැල්ලව, පහළ වරද්දන ප්‍රදේශයේ දී දුම්රියේ ගැටීමෙන් ඊයේ (05) දහවල් කාන්තාවක් ජීවිතක්ෂයට පත්ව තිබෙනවා.
යාපනය සිට කොළඹ කොටුව බලා ධාවනය වූ සීග්‍රඝාමී දුම්රියේ ගැටී මෙලෙස ජීවිතක්ෂයට පත්ව ඇත්තේ වයස අවුරුදු 68ක දෙදරු මවක්.
මෙම කාන්තාව විසින් නිවසේ සුරතලයට ඇති කරන සුනඛයා දුම්රියේ ගැටීමෙන් බේරාගැනීමට යාමේ දී ඇය මෙලෙස දුම්රියේ ගැටී ඇති බවයි පොලීසිය සඳහන් කළේ.
දුම්රියේ ගැටුණු කාන්තාව එම ස්ථානදීම මියගොස් ඇති අතර, මෘත ශරීරය කුරුණෑගල රෝහලේ මෘත ශරීරාගාරය වෙත යොමු කිරීමටයි කටයුතු කර තිබුණේ.
