මෙරට ආර්ථිකයේ තිරසරභාවය වෙනුවෙන් රැඩිකල් ආර්ථික ප්රතිව්යූහගත කිරීමක් අවශ්ය බව ජනාධිපති රනිල් වික්රමසිංහ පවසනවා.
ජනාධිපතිවරයා මේ බව සඳහන් කළේ; කොළඹ ෂැංග්රිලා හෝටලයේ පැවති 2023 ශ්රී ලංකා ආර්ථික සමුළුවේ සමාරම්භක දේශනය සිදු කරමින්.
නව ආර්ථික ප්රතිපත්ති රාමුව තුළ සියලු දෙනා කැපවී වැඩ කිරීම තුළින් බිඳ නොවැටෙන ශක්තිමත් ආර්ථිකයක් කරා රට ඔසවා තැබිය හැකි බව ද ජනාධිපතිවරයා පැවසුවා.
මෙම සමුළුව සංවිධානය කළේ ශ්රී ලංකා වාණිජ මණ්ඩලය විසින්.
එය දෙදිනක් පැවැත්වුණා.
අද එම සමුළුවේ අවසන් දිනය ද වනවා.
මෙරට ණය ප්රතිව්යූහගතකරණය සම්බන්ධයෙන් ද ජනාධිපතිවරයා මෙහිදී අදහස් දැක්වූවා.
ජනපති සඳහන් කළේ පසුගිය මාස කිහිපය තුළ මෙරට සියලු ම ණය හිමියන් සමග ඉතා හොඳ විශ්වාසයකින් යුතු ව ඵලදායී සාකච්ඡාවල නිරත වීමත්, එය ණය ක්රියාවලිය සාර්ථක කරගැනීමට ද වැදගත් වූ බවයි.
