පාසල අවසන්වී නිවස වෙත යමින් සිටි පාසල් සිසුන් දෙදෙනෙකුට හෙල්මට්වලින් සහ අතින් පයින් පහරදුන් බව කියන තරුණයන් 4 දෙනෙකු සොයා පොලිස් පරීක්ෂණ ආරම්භ වී තිබෙනවා.
පහරකෑමට ලක්වූ එක් සිසුවෙකුගේ මවක විසින් කළ පැමිණිල්ලක් අනුවයි පොලිසිය පරීක්ෂණ ආරම්භ කර ඇත්තේ.
පහර කෑමට ලක්වූ පානදුර ප්‍රදේශයේ පාසලක සිසුන් දෙදෙනා ප්‍රතිකාර සඳහා පානදුර මූලික රෝහලට යොමු කර තිබෙනවා.
ඔවුන් දෙදෙනා අද පාසල අවසන්වී පින්වත්ත පිරිවෙන පාරේ යමින් සිටියදී සැකකරුවන් පැමිණ පහරදී ඇතැයි සඳහන්.
මෙම සිසුන් දෙදෙනාගේ හිසට, ඇසට සහ ශරීරයේ තවත් ස්ථාන කිහිපයකට එල්ලවූ ප්‍රහාරවලින් පසු රෝහල් ගතකර ඇති බවත් පොලිසිය ප්‍රකාශ කළා.
ප්‍රේම සම්බන්දයක් මුල්කර ගනිමින් මෙම පහරදීම සිදුවී ඇති බවටයි මූලික පොලිස් පරීක්ෂණවලදී හෙළිවී ඇත්තේ.
මේ අතර පානදුර ජනප්‍රිය පාසලක සිසුවෙක් බෝතල් කටුවකින් ඇනීම හේතුවෙන් එම විදුහලේම සිසුවෙකුගේ පාදයකට කැපුම් තුවාල සිදුවී තිබෙනවා.
මේ සම්බන්ධයෙන් ලැබුණු පැමිණිල්ලක් මත පරීක්ෂණ ආරම්භ කළ බවයි පානදුර දකුණ පොලිසිය සඳහන් කළේ.
තුවාල ලබා ඇත්තේ පානදුර නල්ලූරුව ප්‍රදේශයේ පදිංචි 12 හැවිරිදි සිසුවෙක්.
ඔහු කැපුම් තුවාල සහිතව පානදුර මූලික රෝහලට ඇතුලත් කර ඇති අතර ඔහුගේ තත්ත්වය එතරම් බරපතළ නොවන බවයි රෝහල් ප්‍රකාශකයෙක් සඳහන් කර ඇත්තේ.
පහරකැමට ලක්වූ දරුවාගේ පියා විසින් කළ පැමිණිල්ලක් මත මෙලෙස පරීක්ෂණ ආරම්භ වී තිබෙනවා.
පහරකෑමට ලක්වූ සිසුවා පහරදුන් සිසුවාට නිතර විහිළු කර ඇති බවට මූලික පරීක්ෂණවලදී හෙළිවී ඇතැයි ද සඳහන්.
