ජාත්යන්තර මූල්ය අරමුදලේ (IMF) නියෝජිතයන් පිරිසක් අද (7) පාර්ලිමේන්තුවේ දී විපක්ෂ නායක සජිත් ප්රේමදාස හමුවී තිබෙනවා.
මෙහි දී ජාත්යන්තර මූල්ය අරමුදල සමඟ වත්මන් රජය විසින් ඇති කර ගත් ගිවිසුම සම්බන්ධයෙන් දිර්ඝ වශයෙන් සාකච්ඡා වූ බවයි විපක්ෂ නායකවරයා සඳහන් කළේ.
ශ්රී ලංකාව, අන්තර්ජාතික මූල්ය අරමුදල සමඟ එළඹ ඇති ගිවිසුමේ ප්රගතිය සම්බන්ධයෙන් සහ රජය විසින් කඩිනමින් සම්පූර්ණ කළ යුතු කාර්යයන් සම්බන්ධයෙන් මුඛ්ය වශයෙන් අවධානය යොමු කළ අතර රජය විසින් ණය ප්රතිව්යුහගත කිරීමේ කටයුතුවල දී සියලු ණය හිමියන්ට සාධාරණ ලෙස සැලකීම සහ අවදානම් කණ්ඩායම් වෙත විශේෂ අවධානය යොමු කිරීමේ අවශ්යතාවය පිළිබඳවද විපක්ෂ නායකවරයා අයි. එම්. එෆ්. නියෝජිතවරුන්ට පෙන්වා දී තිබෙනවා.
තිරසර ආර්ථික යහපැවැත්මක් උදෙසා කෙටිකාලීන ආර්ථික දර්ශකවල ප්රගතිය මෙන් ම අන්තර්ජාතික මූල්ය අරමුදලේ වාර්තාව මඟින් පෙන්වා දී ඇති නීතියේ සාධාරණත්වය සහ යහපාලන මූලධර්ම සම්බන්ධයෙන් ද විශේෂ අවධානයක් යොමු කර කටයුතු කිරීමේ අවශ්යතාවය ද ඔහු පෙන්වා දෙනු ලැබුවා.
එමෙන්ම ඉදිරි සතිය තුළ ආරම්භ කෙරෙන අන්තර්ජාතික මූල්ය අරමුදලේ විශේෂ නියෝජිත කණ්ඩායමේ සංචාරයේ දී, මෙරට ආර්ථික ස්ථාවරත්වය ඇති කිරීම සහ වර්ධනය කිරීම සඳහා ගනු ලබන ක්රමවේද සම්බන්ධයෙන් රජයේ පාර්ශවයන් සහ විපක්ෂ කණ්ඩායම් අතර සාකච්ඡා පවත්වනු ඇති බවයි මෙහිදී ප්රකාශ කෙරුණේ.
