භූගත ජලය පාවිච්චි කරනවා නම් ප්‍රවේශමෙන්

පවතින දැඩි වියළි කාලගුණ තත්ත්වය හේතුවෙන් භූගත ජලය භාවිත කරන්නන් වඩාත් කල්පනාකාරී වන ලෙස ජල සම්පත් මණ්ඩලයේ නියෝජ්‍ය සාමාන්‍යාධිකාරී ආර්.එම්.එස්. රත්නායක පවසනවා.

භූගත ජලය භාවිත කිරීමේ දී ඒවායේ රසයේ, ගන්ධයේ හෝ වර්ණයේ යම් වෙනසක් පවතී නම් එම ජල සාම්පල පරීක්ෂා කරගන්නා ලෙසයි මහජනතාවට දැනුම් දෙන්නේ.

භූගත ජල මට්ටම අඩුවීම හේතුවෙන් ලවණතාවයේ වෙනසක් සිදුවිය හැකි බවත්, නියං තත්ත්වය පවතින ප්‍රදේශවල ජනතාව මේ සම්බන්ධයෙන් වැඩි අවධානයක් යොමුකළ යුතු බවත් නියෝජ්‍ය සාමාන්‍යාධිකාරීවරයා පවසා සිටියා.

භූගත ජලයේ එවැනි වෙනසක් ඇත්නම් කොළඹ, පුත්තලම, අනුරාධපුර සහ යාපනයේ පිහිටි පරීක්ෂණාගාරවලින් ජනතාවට ජල ජලසාම්පල පරීක්ෂා කරගත හැකි බව ඔහු වැඩිදුරටත් සඳහන් කළා.

එමෙන්ම මහජන පරීක්ෂක නිලධාරීන් මඟින් භූගත ජලය ප්‍රාථමික මට්ටමෙන් පරීක්ෂා කරගත හැකි බව ද ඔහු මෙහිදී පවසා සිටියා.