ඉන්දියාවේ දකුණු දිල්ලි හි ටිග්‍රි ප්‍රදේශයේදී රුපියල් 3,000ක මුදල් ගනුදෙනුවක් සම්බන්ධ ආරවුලක් දුරදිග යාමෙන් 21 හැවිරිදි තරුණයෙකු තියුණු ආයුධයකින් පහරදී ඝාතනය කර තිබෙනවා.
පහරකෑමට ලක්වූ තරුණයා මාර්ගයේ වැටී සිටින ආකාරය දැක්වෙන වීඩියෝවක් ද සමාජ මාධ්‍ය තුළ සංසරණය වෙමින් පවතිනවා.
පිහි ඇනුම සම්බන්ධයෙන් ටිග්‍රි පොලිස් ස්ථානයේ නිලධාරීන්ට ලැබුණු ඇමතුමක් අනුව කළ සොයා බැලීමකින් පසු යූසුෆ් අලි බත්‍රා නම් තුවාලකරු රෝහලට රැගෙන ගොස් ඇති අතර එහිදී වෛද්‍යවරු ප්‍රකාශ කර ඇත්තේ ඔහු මිය ගොස් ඇති බවයි.
යූසුෆ්ගේ පියා වන සහීඩ් අලි පැවසුවේ මූල්‍ය ප්‍රශ්නයක් මත දින කිහිපයකට පෙර තම පුතාට ෂාරුක් නම් පුද්ගලයෙකු විසින් තර්ජනය කළ බවයි.
යූසුෆ් අලි ෂාරුක්ගෙන් රුපියල් 3,00 ක් ණයට ගත් බවත්, ඔහු මුදල් ආපසු දෙන ලෙස ඉල්ලා සිටි බවත් අනාවරණ වී තිබෙනවා.
සමාජ මාධ්‍ය ඔස්සේ සංසරණය වන වීඩියෝවේ දැක්වෙන්නේ වෙළඳසලක් අසලදී පිහි ඇනුම සිදුවන අතර මිනිසුන් ඒ අසලින් යන නමුත් විපතට පත් පුද්ගලයා බේරා ගැනීමට කිසිවෙක් නොපැමිණෙන ආකාරයයි.
මේ අවස්ථාවේදී පහර කෑමට ලක්වූ පුද්ගලයා බේරා ගැනීමට කිහිප දෙනෙකු විත්තිකරුට පහර දී තිබෙනවා.
සංගම් විහාරයේ පදිංචි ෂාරුක් ද අත්අඩංගුවට ගෙන ප්‍රතිකාර සඳහා රෝහල් ගත කර ඇති අතර ඔහුට එරෙහිව නඩු පවරන බවයි දිල්ලි පොලිසිය සඳහන් කළේ
