පාකිස්ථානයේ කරච්චි නුවර ලොව ‘අවම ජීවත් විය හැකි’ නාගරික මධ්යස්ථාන පහ අතරට ශ්රේණිගත කර තිබෙනවා.
අර්ථශාස්ත්රඥයන්ගේ බුද්ධි ඒකකය (Economist Intelligence Unit -EIU) 2023 වෙනුවෙන් සකස් කරන ලද ජීවත් වීමට සුදුසු නගර පිළිබඳ ගෝලීය දර්ශකයේ මුළු නගර 173ක් අතරින් 169 වැනි ස්ථානයට පත්ව ඇත්තේ කරච්චි නගරයයි.
කරච්චි නුවරටත් පහලින් ශ්රේණිගත කර ඇත්තේ ලාගෝස් ,ඇල්ජියර්ස් , ට්රිපොලි සහ ඩැමස්කස් යන නගර පමණයි.
අර්ථශාස්ත්රඥයන්ගේ බුද්ධි ඒකකය යනු අර්ථශාස්ත්රඥයන්ගේ සමූහයේ පර්යේෂණ සහ විශ්ලේෂණ අංශය වන අතර ඔවුන් පර්යේෂණ සහ විශ්ලේෂණ හරහා අනාවැකි සහ උපදේශන සේවා සපයනවා.
මෙම දර්ශකය ලොව පුරා නගරවල පශ්චාත් කොවිඩ් ප්රතිසාධනය කෙරෙහි අවධානය යොමු කරන අතර ජීවන තත්ත්වයන් ශ්රේණිගත කිරීම සිදුකර ඇත්තේ ස්ථාවරත්වය, සෞඛ්ය සේවා, සංස්කෘතිය සහ පරිසරය, අධ්යාපනය සහ යටිතල පහසුකම් ඇතුළු කාණ්ඩ පහක් මත පදනම්වයි.
ඒ යටතේ 1ත් 100ත් අතර ලකුණු පරාසයක් තුළ ජීවත්වීමේ සාධකය ඇගයීමට ලක්කර විනිශ්චය කර තිබෙනවා.
1 මගින් ජීවත් වීමට නුසුදුසු ,නොඉවසිය හැකි තත්ත්වයන් සලකනු ලබන අතර 100 සලකා ඇත්තේ පරමාදර්ශී ජීවන තත්වයන් ලෙසයි.
මේ යටතේ කරච්චි නගරයට සමස්ත ලකුණු 42.5ක් ලැබී ඇති අතර එය පරමාදර්ශයට වඩා බෙහෙවින් අඩු අගයක්.
මෙම දර්ශකයට අනුව කරච්චි නුවර පසුගිය වසරේදී වසරේ දී ලකුණු 20 ක් සමඟ ස්ථායීතා දර්ශකයේ වඩාත්ම දුර්වල තත්වයක පැවත තිබුණා.
අර්ථශාස්ත්රඥයන්ගේ බුද්ධි ඒකකය පවසන්නේ මින් ඇඟවෙන්නේ පසුගිය වසර පුරා කරච්චි නුවර තත්ත්වය බොහෝ වෙනස් වී නොමැති බවයි.
EIU හි දර්ශකයට අනුව පාකිස්තානයේ කරච්චි නුවර තත්ත්වය වසර ගණනක සිට යහපත් නොවන අතර 2019 දී, කරච්චි නුවරට දර්ශකයේ නගර 140න් 136 වැනි තැන හිමිව තිබුණා.
2020 දී ටැංකි සම්බන්ධයෙන් කිසිදු වාර්තාවක් ප්රකාශයට පත් කර නැහැ.
2022 දී කරච්චි නුවරට හිමිව තිබුණේ නගර 140 න් 134 වැනි ස්ථානයයි.
දර්ශකයේ ඉහළම ශ්රේණිගත නගර බොහොමයක් වාර්තා වී තිබුණේ බටහිර යුරෝපයෙන් සහ කැනඩාවෙන්.
ඔස්ට්රියාවේ වියානා අගනුවර පිට පිටම දෙවන වසරටත් ලැයිස්තුවේ ඉහළින්ම සිටිනවා.
