එක්සත් ජනපදයේ ඉලිනොයිස් හි පැවත්වීමට නියමිත අතුරු මැතිවරණය සඳහා XIV වන ලියෝ පාප් වහන්සේ සිය තැපැල් ඡන්ද පත්‍රිකාව ඉදිරිපත් කර ඇති අතර, එක්සත් ජනපද මැතිවරණයකදී ඡන්දය ප්‍රකාශ කරන පළමු පාප් වහන්සේ බවට පත්ව තිබෙනවා.
“ප්‍රජාතන්ත්‍රවාදී ක්‍රියාවලීන්ට සහභාගී වීමට පුරවැසියන්ට ඇති අයිතිය සහ යුතුකම පිළිබඳ ශුද්ධ වූ පියතුමා තම විශ්වාසය ප්‍රකාශ කරන බව වතිකානයේ මාධ්‍ය කාර්යාලය නිවේදනයක් නිකුත් කරමින් කියා සිටිනවා .
2025 මැයි මාසයේදී තේරී පත්වීමෙන් පසු වතිකානුවේ ඉහළම ආසනය දැරූ පළමු එක්සත් ජනපද පුරවැසියා චිකාගෝහි උපන් පාප් වහන්සේ ය.
එතැන් සිට, ආගමන නීති බලාත්මක කිරීම සහ ඉරානය සමඟ එක්සත් ජනපද-ඊශ්‍රායල් යුද්ධය ඇතුළු විවිධ කරුණු සම්බන්ධයෙන් ඔහු ට්‍රම්ප් පරිපාලනය සමඟ ගැටී තිබෙනවා.
“එසේ කිරීමට සුදුසුකම් ඇති සෑම අවස්ථාවකම එක්සත් ජනපද පුරවැසියෙකු ලෙස ඡන්දය ප්‍රකාශ කිරීමේ අයිතිය භාවිතා කර ඇත,” යනුවෙන් මාධ්‍ය කාර්යාලය පවසනවා.
එක්සත් ජනපද අතුරු මැතිවරණ මගින් කොංග්‍රසය පාලනය කරන්නේ කුමන දේශපාලන පක්ෂයද යන්න තීරණය කරනු ඇති අතර ඩොනල්ඩ් ට්‍රම්ප්ගේ ජනාධිපති ධුරයේ අවසාන වසර කෙරෙහි සැලකිය යුතු බලපෑමක් ඇති කරනවා.
නොවැම්බර් 3 වන දින රට පුරා මැතිවරණ පැවැත්වෙන අතර ” බොහෝ ප්‍රාන්තවල කලින් ඡන්දය ප්‍රකාශ කිරීම ආරම්භ වී තිබෙනවා.
විදෙස් ප්‍රවෘත්ති වලට අනුව, පාප් වහන්සේ ඔක්තෝබර් 3 වන දින විල් ප්‍රාන්ත ලිපිකරු කාර්යාලයෙන් තම තැපැල් ඡන්ද පත්‍රිකාව ඉල්ලා සිටි බවට වාර්තාවෙනවා.
